16 Umlomo wakhe ukunongotela cobo lwako; yena empeleni muhle ngalokuphelele. Lowo-ke ngulongitsandzako wami, ungumngani wami, nine madvodzakati aseJerusalema.
“Sawula naJonathani basaphila babetsandvwa, baligugu, nasekufeni abazange behlukane. Bebanematubane kwendlula emangce, bebanemandla kwendlula emabhubesi.
Maye, timnandzi tetsembiso takho kimi! Tinongotela kwengca luju lwetinyosi emlonyeni wami.
Bonkhe abadvumise libito laSimakadze, ngobe lakhe kuphela libito leliphakeme; inkhatimulo yakhe ingetulu kwemhlaba nelizulu.
Titsandzeka kakhulu kunegolide lecengekile, yebo, kakhulu kunegolide lecengekile, timnandzi kakhulu kuneluju, yebo, kakhulu kunematfonsi eluju.
Awusemuhle nekadzeni, uphuma embili, umlomo wakho uphuphuma umusa, ngobe Nkulunkulu ukubusise phakadze naphakadze.
Ngubani nje losesibhakabhakeni longalinganiswa nawe, Simakadze? Ngubani nje, emkhatsini wemadvodzana aNkulunkulu, longafananiswa naSimakadze?
Maye, umuhle, sitsandvwa sami bo! Awu, maye, kona uyakhanga! Yebo, nembhedze wetfu utsite klaba!
Akangicabuze ngekwanga kwemlomo wakhe, ngobe lutsandvo lwakho lumnandzi, kwendlula liwayini.
Ngiluhlata, kodvwa ngiyatsandzeka, awu, madvodzakati aseJerusalema, ngiluhlata njengemathende aseKhedari; yebo, njengetindvwangu temathende aSolomoni.
Ngiyimbali yaseSharoni, umnduze wetigodzi.
Longitsandzako wami ngedvwa; nami ngiwakhe yedvwa, udlisa umhlambi wakhe emkhatsini weminduze.
Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.
Tindzebe temlomo wakho tinjengetincotfo letiboshiwe letibovu, umlomo wakho uyatsandzeka. Tinhlafuno takho ngaphansi kweveyili yakho tinjengetincetu temahananandza.
Mine ngiwalongitsandzako wami, yedvwa; nalongitsandzako wami, ungewami ngedvwa, welusa umhlambi wakhe emkhatsini weminduze.
nemlomo wakho ube njengeliwayini lelendlula tonkhe tinhlobo. Shangatsi liwayini lingacondza ngco kulongitsandzako wami, lishelele kamnandzi etindzebeni takhe temlomo nasematinyweni akhe.
Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.
Kodvwa njengemfati longaketsembeki endvodzeni yakhe, kanjalo, wenandlu yaka-Israyeli, awuketsembeki kimi,” kusho Simakadze.
Simakadze wakhuluma kimi watsi: “Hamba, uphindze umtsandze umkakho, lite nome asatsandvwe ngulomunye futsi, ayingwadla. Mtsandze wena njengobe Simakadze atsandza ema-Israyeli, kwala nome sebagucukele kulabanye bonkulunkulu, batsandza emacebelengwane emagelebisi lomisiwe.”
ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.
Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,
Ngako kwagcwaliseka umBhalo lotsi: “Abrahama wakholwa Nkulunkulu; ngenca yekukholwa kwakhe Nkulunkulu wamemukela njengemuntfu lolungile,” wase ubitwa ngekutsi: “Ungumngani waNkulunkulu.”
Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.