Ingoma Yetingoma 5:15 - Siswati 1996 Bible

¹⁵ Imilente yakhe ifanana netinsika letibatwe ngelitje lelimhlophe, letibekwe etisekelweni tegolide lecengekile. Lutsi lwemtimba wakhe lufanana neLebanoni, likhetselo lemisedari yayo.

Ingoma Yetingoma 5:15 ပူးပေါင်းရင်းမြစ်များ

1 Emakhosi 4:33

Wakhuluma ngetihlahla nangetitjalo, kusukela etihlahleni temisedari yaseLebanoni kuye kutehisophu letimila etibondzeni. Wafundzisa nangetilwane, nangetinyoni, nangetilwane letihuma ngesisu emhlabatsini kanye nangetinhlanti.

Tihlabelelo 80:10

Tintsaba tambonywa ngematfunti awo, imisedari yambonywa ngemagala awo,

Tihlabelelo 92:12

Lolungile uhluma njengelisundvu, akhule njengemsedari waseLebanoni.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Eksodusi 26:19

nemaseko esiliva langema-40 abe ngaphansi kwetinsikabhaluko, abe mabili ngaphansi kwaleyo naleyo nsikabhaluko, entelwe kubamba tisimiso tayo letimbili.

Ingoma Yetingoma 2:14

Tuba lami lelisemifantfwini yemadvwala, etindzaweni tekubhaca emaceleni etintsaba, ngikhombise buso bakho, ungivise neliphimbo lakho; ngobe liphimbo lakho liyanongotela, nebuso bakho buyatsandzeka.

Ingoma Yetingoma 4:11

Tindzebe temlomo wakho tintfontsa kunongotela lokunjengekweluju lwetinyosi, makoti wami. Lubisi neluju kungaphansi kwelulwimi lwakho. Kutsaphuka kwemakha etingubo takho kunjengalokwa kwaseLebanoni.

Ingoma Yetingoma 7:4

Intsamo yakho injengembhoshongo lowakhiwe ngematinyo endlovu. Emehlo akho angemachibi aseHeshboni ngasesangweni laseBhathi Rabhimu. Likhala lakho linjengembhoshongo waseLebanoni lobuke ngaseDamaseko.

Sililo 4:7

Tikhulu tabo taticwebetela kwendlula sitfwatfwa, timhlophe kwendlula lubisi. Imitimba yato yayibovu yendlula emarubi, kubonakala kwato kwakunjengekwemasafire.

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Hezekeli 31:8

Imisedari leyayisengadzeni yaNkulunkulu ayizange ikhone kulinganiswa nawo, ngisho netihlahla tetipheshula tatingeke tilingane nemagala awo lamakhulu, ngisho netihlahla tepleni tatingeke tilinganiswe nemagala awo, kute sihlahla engadzeni yaNkulunkulu lebesingalinganiswa nebuhle bawo.

Hoseya 14:7

Bantfu bayawuphindze bahlale emtfuntini wakhe. Bayawuhluma njengetinhlavu. Bayawuchakaza njengesihlahla semvini, neludvumo lwabo luyawufanana neliwayini laseLebanoni.

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Matewu 17:2

Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Matewu 28:3

Lengilosi yayinjengembane, timphahla tayo tatimhlophe njengesitfwatfwa.

Imisebenti yebaPhostoli 2:28

Ungikhombisile tindlela letingiholela ekuphileni, ngebukhona bakho uyawungigcwalisa ngekujabula.’

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

Tikhulu 13:6

Lomfati-ke wabe sewuya endvodzeni yakhe, wafike wayibikela watsi: “Kufike umuntfu waNkulunkulu kimi. Simo sakhe bekungatsi yingilosi yaNkulunkulu; abesabeka kakhulu. Nami angikabe ngisabuta nekutsi uphumaphi, naye akangitjeli nelibito lakhe.