Ingoma Yetingoma 5:1 - Siswati 1996 Bible

¹ Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 5:1 ပူးပေါင်းရင်းမြစ်များ

Genesisi 37:25

Bahlala phansi badla. Batsi basadla babona ludvwendvwe lwema-Ishmayeli luchamuka kaGileyadi lwehlela eGibhithe. Emakamela abo abetfwele tinandzisi tekudla nemakha.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 16:3

Kodvwa ngalabangcwele labalapha emhlabeni ngitsi: “Batikhulu letincabile lengijabula ngato.”

Taga 24:13

Ndvodzana yami, ubodla luju ngobe lumnandzi, nematfonsi etinhlanga tetinyosi ayanongotela.

Taga 9:5

wotani nitewudla kudla kwami, ninatse neliwayini lengilihlanganisile.

Umshumayeli 2:5

Ngahlanyela tingadze, ngakha netindzawo tekuphumula, ngahlanyela tonkhe tinhlobo tetihlahla tetitselo lapha ngekhatsi kuletingadze,

Ingoma Yetingoma 1:13

Longitsandzako unjengemgodla wemakha emure kimi, lolele emkhatsini wemabele ami.

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Ingoma Yetingoma 4:8

Wota nami sisuke eLebanoni, makoti wami, wota sambe nawe lapha eLebanoni. Yehla esicongweni sase-Amana, esicongweni saseSeniri, ingcongwane yeHemoni, sisuke emhumeni wemabhubesi, nakuso sidleke sekudlalela tingwe.

Ingoma Yetingoma 6:11

Ngehlela entansi ensimini yemantongomane, kuyawubuka kuhluma lokusha esigodzini, ngiyewubuka kutsi imivini seyidvumbile yini nemahananandza kutsi abesabhahela yini.

Ingoma Yetingoma 6:2

Longitsandzako wami wehlele engadzeni yakhe, emibhedzeni yetitfombo tetinandzisi, kuyekwelusa umhlambi wakhe etingadzeni kanye nekubutsa iminduze.

Ingoma Yetingoma 8:1

Kube mane bewungumnaketfu lowamunya bele linye nami kumake! Lapho-ke kube bengingakukhandza ungaphandle, bengitawuvele ngikucabuze, bekuyawubate ngisho namunye labeyakungedzelela.

Ingoma Yetingoma 8:13

Wena lohlala etingadzeni uhlale nebangani labakusingatsile, ngivise liphimbo lakho!

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 5:1

Ngitawuhlabelela lowo lengimtsandzako ingoma ngesivini sakhe, ngitsi: Lowo lengimtsandzako abenesivini egcumeni lelivundzile.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Lukha 12:4

“Ngiyanitjela, tihlobo tami, ngitsi: Ningabesabi labo lababulala umtimba kodvwa bangenamandla ekwenta lokubi lokungetulu kwaloko.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

Imisebenti yebaPhostoli 11:29

Bafundzi bavumelana kutsi ngulowo nalowo atfumele loko langakutfumela kusita bazalwane baseJudiya.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

Tikhulu 14:11

Watsi kube efike, wanikwa emajaha langema-30 kutsi atemhlalisa.

Tikhulu 14:20

LomkaSamsoni watsatfwa wendziselwa lomunye walamajaha abetemhlalisa ngemtsimba wakhe.