Ingoma Yetingoma 4:9 - Siswati 1996 Bible

⁹ Uyitfumbile inhlitiyo yami, dzadzewetfu, makoti wami. Uyitfumbile inhlitiyo yami ngekungikha kanye nje ngemehlo akho, ngelucu lunye nje lwengcibe yentsamo yakho.

Ingoma Yetingoma 4:9 ပူးပေါင်းရင်းမြစ်များ

Genesisi 20:12

Ngaphandle kwaloko nje, vele ungudzadzewetfu, ngobe uyindvodzakati yababe, kodvwa hhayi yamake; kodvwa noko ungumkami.

Genesisi 41:42

Faro wakhipha indandatho yakhe esandleni sakhe, wayifaka esandleni saJosefa; wamembatsisa ingubo yelineni lecolisakele, wamegabisa buhlalu begolide entsanyeni.

Tihlabelelo 45:9

Emadvodzakati emakhosi asemkhatsini wetintfombi takho telikhetselo; nangesandleni sakho sangesekudla kume indlovukazi levunule tembatfo tegolide yase-Ofiri.

Taga 1:9

ngobe iyakuba ngumhlobiso lonjengemchele wenhloko yakho, nanjengeligcebesha lentsamo yakho.

Taga 6:25

Ungacali kumkhanukela buhle bakhe enhlitiyweni yakho, nome-ke akutfumbe ngemashiya akhe.

Ingoma Yetingoma 1:10

Tihlatsi takho timomondziya nje nase tinemacici, nentsamo yakho nase yegatjiswe ingcibo.

Ingoma Yetingoma 1:15

Maye, umuhle, sitsandvwa sami bo! Awu, maye, mahle emehlo akho! Kimi angematuba.

Ingoma Yetingoma 3:11

Phumani, nine madvodzakati aseSiyoni, nitewubukela inkhosi Solomoni, nasafake umchele wakhe, umchele lawetfweswa ngunina ngelilanga lagidzisa ngalo umfati, mhlazana inhlitiyo yakhe ijabulile.

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Ingoma Yetingoma 4:12

Utungeletwe ngelutsango njengengadze, dzadzewetfu, makoti wami. Usiyalu lesakhelwe lutsango, umtfombo lobekwe luphawu.

Ingoma Yetingoma 6:12

Ngatsi ngingakacapheli, kulangatela kwami kwangibeka emkhatsini wetincola tebukhosi tebantfu bami.

Ingoma Yetingoma 6:5

Susa emehlo akho kimi, ayangisindza. Tinwele takho tinjengemhlambi wetimbuti natewuka tehla eGileyadi.

Ingoma Yetingoma 7:10

Mine ngiwalongitsandzako, naye uyangilangatelela.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Hezekeli 16:11

Ngakuvunulisa ngemihlobiso yebuhlalu: Ngakwegabisa busenga emkhonweni wakho nengcibo entsanyeni yakho,

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Danyela 5:7

Inkhosi yamemeta kutsi kulandvwe bonkhe batsebuli, nabosonkhanyeti, netangoma. Yakhuluma kuletati taseBhabhulona, yatsi: “Nome ngabe ngubani longafundza lombhalo, angitjele kutsi usho kutsini, utakwembeswa ngaletibukhwebeletane, agacwe umgaco wegolide entsanyeni yakhe, entiwe abe ngumbusi wesitsatfu embusweni.”

Zefaniya 3:17

Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”

Matewu 12:50

Ngobe lowo lowenta intsandvo yaBabe losezulwini, nguye longumnaketfu, nadzadzewetfu, namake.”

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

1 kubaseKorinthe 9:5

Site yini lilungelo lekutsi lowo nalowo ahambe nemkakhe lokholwako, njengalabanye baphostoli, nabomnakabo beNkhosi, naKhefase?

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.