Ingoma Yetingoma 4:8 - Siswati 1996 Bible

⁸ Wota nami sisuke eLebanoni, makoti wami, wota sambe nawe lapha eLebanoni. Yehla esicongweni sase-Amana, esicongweni saseSeniri, ingcongwane yeHemoni, sisuke emhumeni wemabhubesi, nakuso sidleke sekudlalela tingwe.

Ingoma Yetingoma 4:8 ပူးပေါင်းရင်းမြစ်များ

1 Emakhosi 4:33

Wakhuluma ngetihlahla nangetitjalo, kusukela etihlahleni temisedari yaseLebanoni kuye kutehisophu letimila etibondzeni. Wafundzisa nangetilwane, nangetinyoni, nangetilwane letihuma ngesisu emhlabatsini kanye nangetinhlanti.

2 Emakhosi 5:12

Bo-Abana naboPhaphari akusiyo yini imifula yaseDamaseko lencono kunayo yonkhe imifula yaka-Israyeli? Bengingeke yini ngigeze kuyo, bese ngiyahlambuluka?” Ngako wancandzeka atfukutsele abila.

1 Tikhronike 5:23

Bantfu bencenye yesive sakaManase babebanyenti kakhulu; bona babehlala eveni kusukela eBhashani kuze kuyewufika eBhali Hemoni, lokusho kutsi, eSeniri, naseNtsabeni iHemoni.

Tihlabelelo 45:10

Kuwe-ke, ndvodzakati yami, ngitsi: “Vula indlebe yakho, ulalele naku lengikushoko: Sikhohlwe sive sakini nebakenu.

Tihlabelelo 72:16

Shangatsi kungaba nenala emasimini, lenala isibekele ticongo tetintsaba, kube tiphihli, sincane setihlahla taseLebanoni. Shangatsi lamadolobha angagcwala bantfu, babe ngangetjani.

Tihlabelelo 76:1

Nkulunkulu uyatiwa kaJuda, libito lakhe likhulu ka-Israyeli.

Tihlabelelo 76:4

Maye, kukhanya kwakho kuyakhatimula! Ukhatimula kwendlula tintsaba letivunule kahle.

Tihlabelelo 89:12

Inyakatfo neningizimu kwadalwa nguwe. Intsaba iThabhori nentsaba iHemoni kudvumisa libito lakho ngenjabulo.

Taga 9:6

Shiyani bulima benu, khona nitewuphila nihambe ngendlela yekucondza.”

Ingoma Yetingoma 2:13

Sihlahla semkhiwa sesitsela titselo taso tekucala, nemivini lebhahelako itsela liphunga layo lelimnandzi. Sukuma sambe, sitsandvwa sami, sitsandvwa sami lesihle, asambe nawe.”

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 7:11

Wota, wena longitsandzako, sambe siye esigangeni, busuku asibucitsele emitini.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Hezekeli 27:5

Benta tonkhe tigodvo takho tetipheshula taseSeniri, balandza umsedari eLebanoni kutsi batekwakhela insika ngawo.

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

Dutheronomi 3:25

Ngicela kwewela ngiyewubona lelive lelihle lelingesheya kweJordane, live lelihle letintsaba, kanye neLebanoni.’

Dutheronomi 3:9

INtsaba iHemoni emaSidoni ayibita ngekutsi yiSiriyoni, kantsi ema-Amori wona ayibita ngekutsi yiSeniri.

Joshuwa 12:1

Lawa-ke ngemakhosi elive lancotjwa ngema-Israyeli nelive lawo lelalingasemphumalanga neJordane alidla, kusukela eSihosheni sase-Anoni kuya eNtsabeni iHemoni, kanye nayo yonkhe i-Arabha kuye ngasemphumalanga kwayo: