Ingoma Yetingoma 4:6 - Siswati 1996 Bible

⁶ Kudzimate kudzabuke kusa, titfunti tibaleka, ngiyawukhuphukela entsabeni yemure nasegcumeni lemphepho.

Ingoma Yetingoma 4:6 ပူးပေါင်းရင်းမြစ်များ

Ingoma Yetingoma 2:17

Kuze kudzabuke kusa, kubaleke titfunti, buya, wena longitsandzako, bani njengemphala nanjengemgankla losemncane nawusemagcumeni langemahhelekehle.

Ingoma Yetingoma 4:14

inadi nesafroni, ikalamu nesinamoni, nayo yonkhe inhlobo yesihlahla semphepho, nesemure, nesenhlaba, nato tonkhe tinandzisi leticolisakele.

Lukha 1:78

ngenca yesihawu setibilini saNkulunkulu kitsi, ngaloko-ke kukhanya kuyawusa kitsi kuvela ngetulu

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”

Sembulo 5:8

Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.

1 yaJohane 2:8

Noko nginibhalela umyalo lomusha, buciniso bawo lobubonakala kuJesu nakini, ngobe bumnyama buyendlula nekukhanya lokunguko sibili sekuvele kuyakhanya.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Isaya 2:2

Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tonkhe tive tiyawubekelela tiye kuyo tingasakhawuli.

Tihlabelelo 66:15

Ngiyawunikela iminikelo yekushiswa yetifuyo letikhuluphele; nginikele ngelusi lwetincama, nangetinkunzi netiphongo. Cabanga.

Eksodusi 37:29

Besaleli wakha nemafutsa emgcobo longcwele nemphepho lecolisakele lenuka kamnandzi, lekwaba ngumsebenti wengcweti kutekuthakwa kwemakha.

Eksodusi 30:8

Aroni kufanele aphindze akwente loko njalo nje embikwaSimakadze entsambana, nakakhanyisa tibane; lomnikelo wemphepho uyakwentiwa kuSimakadze njalo nje titukulwane ngetitukulwane.

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Ingoma Yetingoma 3:6

Ngubani loya lokhuphuka achamuka ehlane, lofanana nensika yentfutfu, lotsaphuka emakha emure newemphepho leyakhiwe ngato tonkhe tinongo temhwebi?

Ingoma Yetingoma 8:14

Phumela ebaleni, wena longitsandzako, bani njengemgankla, nome-ke njengelizinyane lenyamatane, etintsabeni letigcwele emakha.