Ingoma Yetingoma 4:4 - Siswati 1996 Bible

⁴ Intsamo yakho injengembhoshongo waDavide, lowakhiwe ngemihlobiso, uyindingilizi, kuwo kulenga emahawu layinkhulungwane, onkhe angemahawu etingwazi tasemphini.

Ingoma Yetingoma 4:4 ပူးပေါင်းရင်းမြစ်များ

2 Samuweli 1:21

“Nine tintsaba taseGilbowa, shangatsi ningabate ematolo nemvula, nibete nemasimi laneminikelo yalokutinhlavu. Ngobe lihawu lalabanemandla lilele ehlazweni, lihawu laSawula alisamanyateliswa ngemafutsa.

2 Samuweli 22:51

Nguwe, Nkhosi, umenti wankhulu, inkhosi yakho uyiphe kuncoba timphi ngetimphi, wentele logcotjiwe wakho umusa wakho longapheli, yebo, Davide netitukulwane takhe phakadze naphakadze.”

Nehemiya 3:19

Eceleni kwakhe Ezeri, umsa waJeshuwa, umbusi waseMispa, wavusa luhlangotsi lolulandzelako, kusuka macondzana nendlu yetikhali kuye ekoneni lelubondza.

Tihlabelelo 144:12

Shangatsi emadvodzana etfu angaba njengetitfombo letinhle ebusheni bawo, nemadvodzakati etfu afanane nematje labatiwe, alungiselelwa kwakha tigodlo temakhosi.

Ingoma Yetingoma 1:10

Tihlatsi takho timomondziya nje nase tinemacici, nentsamo yakho nase yegatjiswe ingcibo.

Ingoma Yetingoma 7:4

Intsamo yakho injengembhoshongo lowakhiwe ngematinyo endlovu. Emehlo akho angemachibi aseHeshboni ngasesangweni laseBhathi Rabhimu. Likhala lakho linjengembhoshongo waseLebanoni lobuke ngaseDamaseko.

Ingoma Yetingoma 7:5

Inhloko yakho iyakuchelisa njengeNtsaba iKhameli. Tinwele takho tinjengendvwangu lebukhwebeletane yebukhosi, inkhosi ibanjwe njengesigcili, ikhangwa ngimichino yato.

Ingoma Yetingoma 8:10

Ngilubondza, emabele ami anjengemibhoshongo. Ngako-ke emehlweni akhe sengibe ngumuntfu loletsa kweneliseka.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

KubaseKholose 2:19

Lowo sewuyekele kusima kuKhristu loyinhloko, lokusitwa ngaye umtimba wonkhe, uhlanganiswe ngemalunga nemisipha, ukhule ngekukhula kwaNkulunkulu.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.