Ingoma Yetingoma 4:2 - Siswati 1996 Bible

² Ematinyo akho afanana nemhlambi wetimvu letisandza kuhhulwa, natikhuphuka ekugezweni. Nguleyo ihamba naleyo leliphahla kanye nayo, kute nayinye lehamba ngayodvwa.

Ingoma Yetingoma 4:2 ပူးပေါင်းရင်းမြစ်များ

Eksodusi 23:26

Kute umfati lotawuphunyelwa sisu nalotawuba yinyumba eveni lenu, ngitanipha imphilo lendze.

Ingoma Yetingoma 4:1

Maye, umuhle, sitsandvwa sami! Maye, umuhle bo! Emehlo akho ngaphansi kweveyili yakho afanana nematuba. Tinwele takho tifanana nemhlambi wetimbuti, yebo, wetimbuti natehla eNtsabeni iGileyadi.

Ingoma Yetingoma 4:3

Tindzebe temlomo wakho tinjengetincotfo letiboshiwe letibovu, umlomo wakho uyatsandzeka. Tinhlafuno takho ngaphansi kweveyili yakho tinjengetincetu temahananandza.

Ingoma Yetingoma 6:6

Ematinyo akho anjengemhlambi wetimvu natikhuphuka tiphuma ekugezweni. Nguleyo naleyo ihamba naleliphahla kanye nayo, kute nayinye lehamba ngayodvwa.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.