Ingoma Yetingoma 4:15 - Siswati 1996 Bible

¹⁵ Ngingumtfombo wasengadzeni, siyalu semanti lagobhotako, lageleta ehla esuka eLebanoni.

Ingoma Yetingoma 4:15 ပူးပေါင်းရင်းမြစ်များ

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 7:38

Lokholwa ngimi, njengekusho kwemiBhalo, etibilinini takhe kuyawuhlala kugobhota imifula yemanti ekuphila.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Ingoma Yetingoma 4:12

Utungeletwe ngelutsango njengengadze, dzadzewetfu, makoti wami. Usiyalu lesakhelwe lutsango, umtfombo lobekwe luphawu.

Umshumayeli 2:6

ngatakhela emadamu ekunisela lamahlatsi etihlahla letikhulako,

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Taga 5:16

Kufanele yini imitfombo yakho isakateke igcwale yonkhe indzawo, lemifudlana yemanti imoseke ngekusakateka kuto tonkhe tindlela?

Taga 5:18

Shangatsi ungabusiseka umtfombo wakho, ube nenjabulo ngemfati webusha bakho.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.