Ingoma Yetingoma 4:12 - Siswati 1996 Bible

¹² Utungeletwe ngelutsango njengengadze, dzadzewetfu, makoti wami. Usiyalu lesakhelwe lutsango, umtfombo lobekwe luphawu.

Ingoma Yetingoma 4:12 ပူးပေါင်းရင်းမြစ်များ

Genesisi 29:3

Yayitsi lemihlambi ingaphelela, belusi bese bayaligicita balisuse lelitje, banatsise lemihlambi, babuye balibuyisele.

Ingoma Yetingoma 4:9

Uyitfumbile inhlitiyo yami, dzadzewetfu, makoti wami. Uyitfumbile inhlitiyo yami ngekungikha kanye nje ngemehlo akho, ngelucu lunye nje lwengcibe yentsamo yakho.

Ingoma Yetingoma 6:11

Ngehlela entansi ensimini yemantongomane, kuyawubuka kuhluma lokusha esigodzini, ngiyewubuka kutsi imivini seyidvumbile yini nemahananandza kutsi abesabhahela yini.

Ingoma Yetingoma 6:2

Longitsandzako wami wehlele engadzeni yakhe, emibhedzeni yetitfombo tetinandzisi, kuyekwelusa umhlambi wakhe etingadzeni kanye nekubutsa iminduze.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

1 kubaseKorinthe 6:13

Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.

1 kubaseKorinthe 7:34

iminako yakhe yehlukene ekhatsi. Nalongakendzi nome intfombi ikhutsalela kweNkhosi, kuze ibe ngcwele emtimbeni nasemoyeni. Kepha lowendzile ukhutsalela kwemhlaba, kutsi angayijabulisa ngani indvodza yakhe.

2 kubaseKorinthe 1:22

wasibeka luphawu lwakhe tsine; wasipha Moya wakhe, etinhlitiyweni tetfu, losibambiso saloko lokutako.

Kubase-Efesu 1:13

Kwaba njalo-ke nakini futsi. Natsi kube nive livi leliciniso, liVangeli lekusindziswa kwenu, nakholwa nguye futsi, nani nabekwa luphawu lolunguMoya Longcwele labetsenjisiwe.

Kubase-Efesu 4:30

Ningamdzabukisi Moya Longcwele waNkulunkulu lenabekwa luphawu ngaye kudzimate kube lilanga lekuhlengwa.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 7:3

yatsi: “Ningawulimati umhlaba, nome lwandle, nome tihlahla, singakatibeki luphawu emabuntini tisebenti taNkulunkulu wetfu.”