Ingoma Yetingoma 4:11 - Siswati 1996 Bible

¹¹ Tindzebe temlomo wakho tintfontsa kunongotela lokunjengekweluju lwetinyosi, makoti wami. Lubisi neluju kungaphansi kwelulwimi lwakho. Kutsaphuka kwemakha etingubo takho kunjengalokwa kwaseLebanoni.

Ingoma Yetingoma 4:11 ပူးပေါင်းရင်းမြစ်များ

Genesisi 27:27

Wasondzela, wamanga. Watsi nakaliva liphunga letimphahla takhe, wambusisa watsi: “Awu, liphunga lendvodzana yami linjengeliphunga lasetsafeni, litsafa lelabusiswa nguSimakadze.

Tihlabelelo 19:10

Titsandzeka kakhulu kunegolide lecengekile, yebo, kakhulu kunegolide lecengekile, timnandzi kakhulu kuneluju, yebo, kakhulu kunematfonsi eluju.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Taga 16:24

Emavi lajabulisako afanana neluju, anambitseka kamnandzi aphilise umtimba.

Taga 5:2

Khona-ke uyawukwati kukhetsa lokufanele, netindzebe temlomo wakho tilulondvolote lwati.

Taga 5:3

Tindzebe temfati loyingwadla tivuta luju, inkhulumo yakhe ishelela kwengca emafutsa;

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Ingoma Yetingoma 4:3

Tindzebe temlomo wakho tinjengetincotfo letiboshiwe letibovu, umlomo wakho uyatsandzeka. Tinhlafuno takho ngaphansi kweveyili yakho tinjengetincetu temahananandza.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 5:13

Tihlatsi takhe tinjengemibhedze yetitfombo tetinandzisi letitsaphukisa liphunga lato. Tindzebe temlomo wakhe tinjengeminduze lentfontsa emakha emure.

Ingoma Yetingoma 7:9

nemlomo wakho ube njengeliwayini lelendlula tonkhe tinhlobo. Shangatsi liwayini lingacondza ngco kulongitsandzako wami, lishelele kamnandzi etindzebeni takhe temlomo nasematinyweni akhe.

Isaya 7:15

Iyakudla tikhihli temasi netinyosi idzimate ikwati kwala lokubi ikhetse lokuhle.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.