Ingoma Yetingoma 2:7 - Siswati 1996 Bible

⁷ Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 2:7 ပူးပေါင်းရင်းမြစ်များ

Genesisi 49:21

“Naftali unjengenyamatane lekhululekile; ukhuluma emavi lamnandzi.

Tihlabelelo 18:33

Wenta tinyawo tami tibe lula njengetenyamatane, angente ngiphephele ekuphakameni.

Taga 5:19

Muhle, uyabukeka njengenhlangu, utsandzeka njengemphala; shangatsi emabele akhe angakwenelisa ngaso sonkhe sikhatsi, shangatsi nelutsandvo lwakhe lungakuhaca.

Taga 6:5

Tisindzise njengenyamatane ibalekela umtingeli, nanjengenyoni lephunyule esandleni semtingeli.

Ingoma Yetingoma 1:5

Ngiluhlata, kodvwa ngiyatsandzeka, awu, madvodzakati aseJerusalema, ngiluhlata njengemathende aseKhedari; yebo, njengetindvwangu temathende aSolomoni.

Ingoma Yetingoma 2:17

Kuze kudzabuke kusa, kubaleke titfunti, buya, wena longitsandzako, bani njengemphala nanjengemgankla losemncane nawusemagcumeni langemahhelekehle.

Ingoma Yetingoma 2:9

Longitsandzako unjengemphala nanjengelitfole lemgankla. Bukela! Nango phela aseme emvakwelubondza lwakitsi, uhlola ngemafasitelo, alungute ngetikhala telutsango.

Ingoma Yetingoma 3:5

Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 5:16

Umlomo wakhe ukunongotela cobo lwako; yena empeleni muhle ngalokuphelele. Lowo-ke ngulongitsandzako wami, ungumngani wami, nine madvodzakati aseJerusalema.

Ingoma Yetingoma 8:14

Phumela ebaleni, wena longitsandzako, bani njengemgankla, nome-ke njengelizinyane lenyamatane, etintsabeni letigcwele emakha.

Ingoma Yetingoma 8:4

Ngiyaniyala, madvodzakati aseJerusalema, ngitsi: Ningaluvusi lutsandvo, futsi ningalunyakatisi, luze lutivukele lona.

Habakhuki 3:19

Simakadze loyiNkhosi ungemandla ami; wenta tinyawo tami tibe njengetenyamatane, ungenta ngihambe ngiphephile etindzaweni letiphakeme. Lemhlabelisi wetemiculo. Elugujini lwami lolunetintsambo.

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”