Ingoma Yetingoma 2:4 - Siswati 1996 Bible

⁴ Ungitsetse wangiyisa endlini yelidzili, luphawu lwakhe kimi bekulutsandvo.

Ingoma Yetingoma 2:4 ပူးပေါင်းရင်းမြစ်များ

Esta 7:7

Inkhosi yasukuma seyitfukutsele igaya tiboti, yashiya lidzili yaphumela ngaphandle esibuyeni sesigodlo, yayawushaywa ngumoya. Hamani wabona kutsi kubi, inkhosi vele itamjezisa ngalesento; wasala endlini, entela kutincengela ku-Esta, kutsi inkhosi ingambulali.

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Tihlabelelo 20:5

Asimemete sijabulele kuncoba kwakho, asibetsele sishaye tandla egameni laNkulunkulu wetfu. Shangatsi Simakadze angaphumelelisa tonkhe ticelo takho.

Tihlabelelo 60:4

Ubanike luphawu labakwesabako, wabenta bacocana ngaphansi kwalo, kuze bavikeleke emicibisholweni yetitsa. Cabanga.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Ingoma Yetingoma 1:1

Ingoma yetingoma yaSolomoni.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 6:4

Umuhle, sitsandvwa sami, unjengeThisa, umuhle njengeJerusalema, uhlonipheke njengemabutfo laphetse imijekwa yawo.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.