Ingoma Yetingoma 2:12 - Siswati 1996 Bible

¹² Timbali setiyamila emhlabeni, sekufike sikhatsi sekuhlabela, nekububula kwematuba sekuvakele kulelive letfu.

Ingoma Yetingoma 2:12 ပူးပေါင်းရင်းမြစ်များ

Genesisi 15:9

Wamphendvula watsi: “Ngiletsele sitfokati lesineminyaka lemitsatfu budzala, nembutikati leneminyaka lemitsatfu budzala, nesihhanca lesineminyaka lemitsatfu budzala, nelituba kanye nelizini lelivukutfu.”

Tihlabelelo 74:19

Ungaliyekeleli lijubantsendzele lakho kutsi lidliwe tilwane tesiganga; ungasikhohlwa siphelane sive sakho lesicindzetelwe.

Tihlabelelo 89:15

Yebo, Simakadze! Sibusisiwe sive lesati kahle kutsi kuyini kumpompoloza ngenjabulo, sihambe ekukhanyeni kwebuso bakho.

Ingoma Yetingoma 2:11

Buka la, busika sebendlulile, timvula setendlulile, atisekho.

Ingoma Yetingoma 6:11

Ngehlela entansi ensimini yemantongomane, kuyawubuka kuhluma lokusha esigodzini, ngiyewubuka kutsi imivini seyidvumbile yini nemahananandza kutsi abesabhahela yini.

Ingoma Yetingoma 6:2

Longitsandzako wami wehlele engadzeni yakhe, emibhedzeni yetitfombo tetinandzisi, kuyekwelusa umhlambi wakhe etingadzeni kanye nekubutsa iminduze.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Jeremiya 8:7

Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.