Ingoma Yetingoma 2:1 - Siswati 1996 Bible

¹ Ngiyimbali yaseSharoni, umnduze wetigodzi.

Ingoma Yetingoma 2:1 ပူးပေါင်းရင်းမြစ်များ

1 Tikhronike 5:16

BakaGadi babehlala kaGileyadi, naseBhashani nasetabelweni tayo nakulo lonkhe lelo live lemadlelo aseSharoni, kwaze kwaba ngusemikhawulweni yalo.

Tihlabelelo 85:11

Kuyawuhluma liciniso emhlabatsini, kulunga kulungute emhlabeni kusezulwini.

Ingoma Yetingoma 2:16

Longitsandzako wami ngedvwa; nami ngiwakhe yedvwa, udlisa umhlambi wakhe emkhatsini weminduze.

Ingoma Yetingoma 5:13

Tihlatsi takhe tinjengemibhedze yetitfombo tetinandzisi letitsaphukisa liphunga lato. Tindzebe temlomo wakhe tinjengeminduze lentfontsa emakha emure.

Ingoma Yetingoma 6:2

Longitsandzako wami wehlele engadzeni yakhe, emibhedzeni yetitfombo tetinandzisi, kuyekwelusa umhlambi wakhe etingadzeni kanye nekubutsa iminduze.

Ingoma Yetingoma 6:3

Mine ngiwalongitsandzako wami, yedvwa; nalongitsandzako wami, ungewami ngedvwa, welusa umhlambi wakhe emkhatsini weminduze.

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Hoseya 14:5

Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;