Ingoma Yetingoma 1:6 - Siswati 1996 Bible

⁶ Ningangibukisisi ngobe ngiluhlata, ngobe ngifuswe lilanga. Emadvodzana amake angitfukutselela, angenta ngalindza tivini, sakami sivini ngasiyekelela.

Ingoma Yetingoma 1:6 ပူးပေါင်းရင်းမြစ်များ

Jobe 30:30

Sikhumba sami sesigucuke saba mnyama, sacecebuka; umtimba wami uyavutsa ngumkhuhlane.

Tihlabelelo 69:8

Sengingumfokati emkhatsini wabomnaketfu, ngingumchamuki nakubantfwana baketfu.

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Jeremiya 8:21

Njengobe bantfu bami bayabhujiswa, nami ngiyabhujiswa; ngiyalila, nekwesaba kuyangintfonya.

Sililo 4:8

Kodvwa nyalo setimnyama kwengca umsiti, atatiwa ngisho nasetitaladini. Sikhumba sato sesishwaphene sanamatsela ematsanjeni ato, sesome saba njengelukhuni.

Mikha 7:6

Kuletikhatsi emadvodzana aphatsa boyise njengetilima, nemadvodzakati aphindzilitana nabonina, bese kutsi bomakoti baphambane naboninatala; yebo, titsa temuntfu bantfu bemndeni wakhe.

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Makho 4:6

Kwefika lilanga labalela, latishisa letitfombo, tabuna ngobe timphandze tato tatingakashoni ngalokwenele.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

KubaseGalathiya 4:29

Kodvwa njengobe lona lowatalwa ngalokwetayelekile watingela lona labetelwe ngekwaMoya, namanje kusenjalo.