Ingoma Yetingoma 1:4 - Siswati 1996 Bible

⁴ Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Ingoma Yetingoma 1:4 ပူးပေါင်းရင်းမြစ်များ

Tihlabelelo 111:4

Wente timangaliso takhe kutsi tikhumbuleke. Simakadze unemusa nebubele.

Tihlabelelo 119:32

Ngiyawugijima ngendlela yemiyalo yakho, ngobe nguwe lotakwandzisa kucondza kwami.

Tihlabelelo 119:60

Angicitsi sikhatsi, ngivele ngiphutfume, ngigcine imiyalo yakho.

Tihlabelelo 149:2

Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Tihlabelelo 48:9

Yebo, Nkulunkulu! Siyazindla ngemusa wakho, sisethempelini lakho.

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Ingoma Yetingoma 3:4

Ngatsi nje ngitsi shelele kubo, ngase ngiyamtfola lotsandvwa yinhlitiyo yami. Ngamgaca ngemikhono ngamnkonkoshela, ngangabe ngisamyekela, ngaze ngayawumngenisa endlini ketfu, endlini yalowo lowangetfwala.

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Hoseya 11:4

Ngabadvonsa ngetintsambo temusa webuntfu, ngetibopho telutsandvo; ngaphakamisa lijoko entsanyeni yabo, ngagobondzelela kubo, ngabafunta.

Zefaniya 3:14

Hlabela, Ndvodzakati yaseSiyoni; memeta kakhulu, wena Israyeli! Jabula utfokote ngayo yonkhe inhlitiyo yakho, Ndvodzakati yaseJerusalema!

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 25:10

Tatsi tisehambile tiyewutsenga, wefika umyeni; leti letatilungele tangena kanye naye edzilini lemshado, umnyango wavalwa.

Lukha 2:10

Kodvwa ingilosi yatsi kubo: “Ningesabi; ngobe nginiletsele indzaba lemnandzi, yekutfokota lokutawuba kwebantfu bonkhe;

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”

Johane 12:32

Mine nase ngiphakanyisiwe emhlabeni, bonkhe bantfu ngitabadvonsa bete kimi.”

Johane 6:44

Kute umuntfu longeta kimi nangabe Babe, lokunguyena angitfumile, angamdvonsi. Ngemhla wekuphela mine-ke ngiyawumvusa aphile.

Kubase-Efesu 2:6

Wasivusa kanye naKhristu Jesu, wabuye wasihlalisa kanye naye sikuye, embusweni welizulu,

Kubase-Efesu 6:24

Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,