Ingoma Yetingoma 1:15 - Siswati 1996 Bible

¹⁵ Maye, umuhle, sitsandvwa sami bo! Awu, maye, mahle emehlo akho! Kimi angematuba.

Ingoma Yetingoma 1:15 ပူးပေါင်းရင်းမြစ်များ

Ingoma Yetingoma 1:16

Maye, umuhle, sitsandvwa sami bo! Awu, maye, kona uyakhanga! Yebo, nembhedze wetfu utsite klaba!

Ingoma Yetingoma 1:8

Nangabe awati, wena mfati lomuhle kakhulu, landzela etinyatselweni temhlambi wetimvu, uyewudlisa khona emazinyane etimbuti ngasemathendeni ebelusi.

Ingoma Yetingoma 1:9

Sitsandvwa sami, ngitakufananisa nelihhashi lelisikati leliboshelwe kulenye yetincola taFaro.

Ingoma Yetingoma 2:10

Longitsandzako wakhuluma kimi, watsi: “Sukuma, sitsandvwa sami, lotsandzekako wami, wota sambe.

Ingoma Yetingoma 2:13

Sihlahla semkhiwa sesitsela titselo taso tekucala, nemivini lebhahelako itsela liphunga layo lelimnandzi. Sukuma sambe, sitsandvwa sami, sitsandvwa sami lesihle, asambe nawe.”

Ingoma Yetingoma 4:1

Maye, umuhle, sitsandvwa sami! Maye, umuhle bo! Emehlo akho ngaphansi kweveyili yakho afanana nematuba. Tinwele takho tifanana nemhlambi wetimbuti, yebo, wetimbuti natehla eNtsabeni iGileyadi.

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Ingoma Yetingoma 4:7

Umuhle wonkhe, sitsandvwa sami; kute nalesincane sici kuwe.

Ingoma Yetingoma 5:12

Emehlo akhe anjengematuba langasemitfonjeni yemanti, agezwe ngelubisi, ahleti ngasemfuleni.

Ingoma Yetingoma 5:2

Ngalala, kodvwa inhlitiyo yami ayizange seyibutsi cutfu butfongo. Lalela! Longitsandzako uyanconcotsa, utsi: “Ngivulele, dzadzewetfu, sitsandvwa sami, tuba lami, wena longenasici wami. Inhloko yami seyinetfwe ngematolo, tinwele tami tinemswakama wasebusuku.”

Ingoma Yetingoma 6:10

Ngubani lona lochamuka njengekusa lomuhle njengenyeti, akhanye njengelilanga, atsatse emehlo njengetinkhanyeti ekushulunganeni kwato?

Ingoma Yetingoma 6:4

Umuhle, sitsandvwa sami, unjengeThisa, umuhle njengeJerusalema, uhlonipheke njengemabutfo laphetse imijekwa yawo.

Ingoma Yetingoma 7:6

Maye, umuhle, kantsi futsi uyajabulisa, awu, sitsandvwa, ngebuhle bakho!

Ingoma Yetingoma 7:7

Lutsi lwemtimba wakho lunjengesihlahla selisundvu, nemabele akho anjengetitfungo tetitselo.

Malakhi 2:14

Niyabuta nitsi: “Leni?” Kungobe Simakadze abengufakazi emkhatsini wakho nemfati webusha bakho, ngobe awuketsembeki kuye, nome yena usengumkakho, umfati wesivumelwane semshado.