Ingoma Yetingoma 1:13 - Siswati 1996 Bible

¹³ Longitsandzako unjengemgodla wemakha emure kimi, lolele emkhatsini wemabele ami.

Ingoma Yetingoma 1:13 ပူးပေါင်းရင်းမြစ်များ

Genesisi 43:11

Israyeli, uyise, wakhuluma kubo watsi: “Nangabe kufanele kube njalo-ke, hambani netipho letititselo telikhetselo talelive, nitifake emasakeni enu, nifike nitiphe lendvodza leniyishoko: nitsatse litsantana lebhalisamu, neleluju lwetinyosi, nelemakha, nelemure, nelemaphisitakhiwo, nelema-alimondi.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Ingoma Yetingoma 2:7

Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 3:5

Ngiyaniyala, madvodzakati aseJerusalema, ngetimphala nangetinyamatane letinsikati tesiganga, ngitsi: Ningaluvusi lutsandvo, futsi ningalunyakatisi, luze lutivukele lona.

Ingoma Yetingoma 3:6

Ngubani loya lokhuphuka achamuka ehlane, lofanana nensika yentfutfu, lotsaphuka emakha emure newemphepho leyakhiwe ngato tonkhe tinongo temhwebi?

Ingoma Yetingoma 4:14

inadi nesafroni, ikalamu nesinamoni, nayo yonkhe inhlobo yesihlahla semphepho, nesemure, nesenhlaba, nato tonkhe tinandzisi leticolisakele.

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Ingoma Yetingoma 4:6

Kudzimate kudzabuke kusa, titfunti tibaleka, ngiyawukhuphukela entsabeni yemure nasegcumeni lemphepho.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 5:13

Tihlatsi takhe tinjengemibhedze yetitfombo tetinandzisi letitsaphukisa liphunga lato. Tindzebe temlomo wakhe tinjengeminduze lentfontsa emakha emure.

Ingoma Yetingoma 5:5

Ngase ngiyavuka ngayawuvulela longitsandzako wami; sandla sami sasintfontsa imure, tingalo tami tigeleta imure, lapha etibambeni tesivalo.

Johane 19:39

Nikhodemu, lona loweta kutawubonana naJesu ebusuku, wahamba kanye naJosefa. Nikhodemu abephetse emakha, labeyinhlanganisela yemure nenhlaba, labenesisindvo lesasingaba ngemakhilogremu langema-32.

Kubase-Efesu 3:17

Khristu akahlale etinhlitiyweni tenu ngekukholwa, kuze nisime, nisekeleke elutsandvweni,