Imisebenti yebaPhostoli 9:35 - Siswati 1996 Bible

³⁵ Bonkhe bantfu lababehlala eLida nasesigodzini saseSharoni bambona, baphendvukela eNkhosini.

Imisebenti yebaPhostoli 9:35 ပူးပေါင်းရင်းမြစ်များ

1 Tikhronike 27:29

Shitrayi, waseSharoni, abephetse imihlambi leyayidla eSharoni. Shafati, umsa wa-Adilayi, abephetse imihlambi leyayidla etihosheni.

1 Tikhronike 5:16

BakaGadi babehlala kaGileyadi, naseBhashani nasetabelweni tayo nakulo lonkhe lelo live lemadlelo aseSharoni, kwaze kwaba ngusemikhawulweni yalo.

1 Tikhronike 8:12

Emadvodzana a-Elphali bekubo-Ebheri, naMishamu, naShemedi, lowakha emadolobha i-Ono neLodi kanye nemiti leyayiyitungeletile.

Ezra 2:33

emadvodza aseLodi, naseHadidi, nase-Ono abengema-725,

Nehemiya 11:35

naseLodi, nase-Ono, naseSigodzini Setingcweti.

Nehemiya 7:37

emadvodza aseLodi, naseHadidi, nase-Ono abengema-721,

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Isaya 31:6

Buyelani kuNkulunkulu, nine ma-Israyeli, nine lesenimhlubuke kangaka.

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 65:10

ISharoni iyawuba lidlelo lemihlambi yetimvu netimbuti, kutsi Sigodzi sase-Akhori sibe yindzawo yekuphumula imihlambi yetinkhomo, yebantfu bami labangifunako.

Isaya 66:8

Ngubani lowase weva ngentfo lefanana naleyo? Ngubani lowase watibona tintfo letinjengaleto? Live lingatalwa yini ngalanga linye? Sona sive sake savela yini ngesikhashana nje? Noko iSiyoni itsite ingakaphatfwa ngumhelo yatala bantfwana bayo.”

Sililo 3:40

Asihlolisise tindlela tetfu sitivivinye, bese sibuyela kuSimakadze.

Hoseya 12:6

Kodvwa wena kufanele ubuyele kuNkulunkulu wakho, umtsandze, ulalele imitsetfo yakhe, wente intsandvo yakhe, ulindzele Nkulunkulu wakho ngaso sonkhe sikhatsi.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Imisebenti yebaPhostoli 11:21

Sandla seNkhosi sasinabo, bantfu labanyenti bakholwa baphendvukela eNkhosini.

Imisebenti yebaPhostoli 15:19

Jakobe wachubeka watsi: “Kungumcondvo wami kutsi akukafaneli sibatsikamete laba betive labaphendvukela kuNkulunkulu,

Imisebenti yebaPhostoli 19:10

Loku kwachubeka iminyaka lemibili, kwaze kwatsi onkhe emaJuda nemaGriki labehlala e-Asiya aliva livi leNkhosi.

Imisebenti yebaPhostoli 19:20

Ngalendlela livi leNkhosi lachubeka landza laba nemandla.

Imisebenti yebaPhostoli 2:47

badvumisa Nkulunkulu, babetsandzeka kubo bonkhe bantfu. Onkhe emalanga iNkhosi yayibengetela ngalabo babesindziswa.

Imisebenti yebaPhostoli 4:4

Kodvwa labanyenti labaliva livi bakholwa; emadvodza andza acishe aba ti-5 000.

Imisebenti yebaPhostoli 6:7

Ngako-ke livi laNkulunkulu lachubeka landza kakhulu. Nebunyenti bebafundzi eJerusalema bandza kakhulu, kantsi nelinyenti lebaphristi lakwemukela kukholwa.

Imisebenti yebaPhostoli 9:34

Phetro watsi kuye: “Ayeneyasi, Jesu Khristu uyakuphilisa. Sukuma ugcebe umbhedze wakho!” Ayeneyasi wasukuma ngekushesha.

Imisebenti yebaPhostoli 9:42

Lendzaba yasakateka neJopha yonkhe, bantfu labanyenti bakholwa eNkhosini.

2 kubaseKorinthe 3:16

Kodvwa “umuntfu nakaphendvukela kuNkulunkulu, indvwangu iyesuswa.”

Dutheronomi 4:30

Naniselusizini senehlelwe ngito tonkhe letintfo, kuyawutsi emvakwaloko nibuyele kuSimakadze Nkulunkulu wenu, nimlalele.