Imisebenti yebaPhostoli 8:12 - Siswati 1996 Bible

¹² Kodvwa kwatsi nase bakholwa yinshumayelo yaFiliphu ngeliVangeli lembuso waNkulunkulu nangelibito laJesu Khristu, babhajatiswa, labadvuna nalabasikati.

Imisebenti yebaPhostoli 8:12 ပူးပေါင်းရင်းမြစ်များ

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 1:3

Emvakwekuhlupheka kwakhe kwaphela emalanga langema-40 avukile ekufeni. Wativeta kubo ngetindlela letinyenti letaticinisa ngalokungangabateki kutsi uyaphila; wabonwa ngabo akhuluma kubo ngembuso waNkulunkulu.

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

1 kubaseKorinthe 11:11

Noko eNkhosini umfati akasilutfo ngaphandle kwendvodza, nendvodza ayisilutfo eNkhosini ngaphandle kwemfati.

Imisebenti yebaPhostoli 28:31

Abeshumayela ngembuso waNkulunkulu, afundzisa ngeNkhosi Jesu Khristu akhuluma ngesibindzi nangekukhululeka lokukhulu.

Imisebenti yebaPhostoli 20:25

“Bengihamba emkhatsini wenu nonkhe ngishumayela ngembuso waNkulunkulu. Manje-ke sengiyati kutsi kute namunye wenu loyawuphindze abone buso bami.

Imisebenti yebaPhostoli 20:21

Kuwo emaJuda nemaGriki, ngalokufananako ngayala kakhulu ngiwatjela kutsi akaphendvukele kuNkulunkulu, nekutsi akholwe yiNkhosi yetfu Jesu.

Imisebenti yebaPhostoli 18:8

Kepha Khrispusi, umphatsi welisinagoge, wakholwa eNkhosini kanye nendlu yakhe, nebantfu labanyenti baseKhorinte lababeve livi kuPawula, bakholwa, base bayabhajatiswa.

Imisebenti yebaPhostoli 11:20

Labanye babo babengemadvodza aseSiphrosi naseSirene labatsi nabefika e-Antiyokhi batjela nebetive livi leNkhosi, babashumayela liVangeli lekutsi Jesu yiNkhosi.

Imisebenti yebaPhostoli 5:14

Kodvwa lesicuku sabo sengeteka kakhulu ngebantfu labakholwa eNkhosini, labadvuna nalabasikati.

Lukha 9:60

Jesu waphendvula watsi: “Yekela labafile bangcwabane bodvwana. Wena hamba uyewushumayela umbuso waNkulunkulu!”

Lukha 9:2

Wase uyabatfuma kutsi bayewushumayela umbuso waNkulunkulu baphilise nalabagulako.

Imisebenti yebaPhostoli 8:4

Lamakholwa lasakateka kuto tonkhe tindzawo, abehamba alishumayela lelivi.

Imisebenti yebaPhostoli 19:5

Batsi kube bakuve loko, base bayabhajatiswa egameni leNkhosi Jesu.