Imisebenti yebaPhostoli 28:31 - Siswati 1996 Bible

³¹ Abeshumayela ngembuso waNkulunkulu, afundzisa ngeNkhosi Jesu Khristu akhuluma ngesibindzi nangekukhululeka lokukhulu.

Imisebenti yebaPhostoli 28:31 ပူးပေါင်းရင်းမြစ်များ

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Makho 1:14

Emvakwekuboshwa kwaJohane Jesu waya eGalile, ahamba ashumayela liVangeli laNkulunkulu.

Lukha 8:1

Emvakwesikhatsi Jesu wahamba wadzabula emadolobha nemadolobhana ashumayela liVangeli ngembuso waNkulunkulu. Bafundzi bakhe labali-12 babehamba naye,

Imisebenti yebaPhostoli 1:3

Emvakwekuhlupheka kwakhe kwaphela emalanga langema-40 avukile ekufeni. Wativeta kubo ngetindlela letinyenti letaticinisa ngalokungangabateki kutsi uyaphila; wabonwa ngabo akhuluma kubo ngembuso waNkulunkulu.

Imisebenti yebaPhostoli 20:25

“Bengihamba emkhatsini wenu nonkhe ngishumayela ngembuso waNkulunkulu. Manje-ke sengiyati kutsi kute namunye wenu loyawuphindze abone buso bami.

Imisebenti yebaPhostoli 23:11

Ngebusuku lobulandzelako iNkhosi yema eceleni kwaPawula yatsi: “Mani sibindzi, njengobe ungifakazele nje la eJerusalema, kufanele wente njalo futsi naseRoma.”

Imisebenti yebaPhostoli 28:23

Ngako-ke emaJuda amisa lilanga lekubonana naPawula. Ngalelo langa bantfu befika baba banyenti lapho bekuhlala khona Pawula. Kusukela ekuseni laze layawumbamba unina seloku afakaza ngekubachazela ngembuso waNkulunkulu. Wetama kubenelisa ngaJesu ngekubakhumbuta lokusemtsetfweni waMosi nangemiBhalo yebaphrofethi.

Imisebenti yebaPhostoli 28:30

Wacedza iminyaka lemibili Pawula ahleti lapho, ahlala endlini labeyicashile. Abemukela ngetandla totibili bonkhe labebeta batemvakashela.

Imisebenti yebaPhostoli 4:29

“Manje-ke, Nkhosi, ake ubukisise lokusesabisa kwabo bese uyasivumela, tsine tinceku takho, kutsi sikhulume livi lakho ngaso sonkhe sibindzi.

Imisebenti yebaPhostoli 4:31

Nabacedza kuthandaza, lendzawo babehlangene kuyo yatanyatanyiswa. Bonkhe bagcwaliswa ngaMoya Longcwele, bacala bakhuluma livi laNkulunkulu ngesibindzi.

Imisebenti yebaPhostoli 5:42

Bachubeka bafundzisa onkhe emalanga ethempelini nasemitini yebantfu bashumayela liVangeli lekutsi Jesu nguKhristu.

Imisebenti yebaPhostoli 8:12

Kodvwa kwatsi nase bakholwa yinshumayelo yaFiliphu ngeliVangeli lembuso waNkulunkulu nangelibito laJesu Khristu, babhajatiswa, labadvuna nalabasikati.

KubaseFiliphi 1:14

Ngekuboshwa kwami linyenti lebazalwane litfole sibindzi lesikhulu eNkhosini sekukhuluma livi laNkulunkulu ngekungesabi.

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.