Imisebenti yebaPhostoli 14:19 - Siswati 1996 Bible

¹⁹ Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Imisebenti yebaPhostoli 14:19 ပူးပေါင်းရင်းမြစ်များ

2 kuThimothi 3:11

nasekutingelweni, nasekuhluphekeni lokwangehlela e-Antiyokhi, nase-Ikhoniyumi, naseListra; ngacinisela kuko konkhe lokutingelwa, futsi iNkhosi yangikhulula kuko konkhe.

2 kubaseKorinthe 11:25

Ngabhanjabulwa ngemzaca emahlandla lamatsatfu; ngagcotjwa ngematje kanye. Ngephukelwa yimikhumbi emahlandla lamatsatfu; ngabasesitsabatsabeni selwandle busuku bonkhe nemini yonkhe.

Imisebenti yebaPhostoli 14:5

Kwatsi nakusuka siphitsiphitsi emkhatsini webetive, nemaJuda, nebaholi bawo, bafuna kuhlupha nekugcoba baphostoli ngematje,

Imisebenti yebaPhostoli 13:45

Lapho emaJuda abona ticuku, aba nemona; aphikisa Pawula kuloko abekusho, ametfuka.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

Imisebenti yebaPhostoli 7:58

bamhudvulela ngephandle kwelidolobha, bamgcoba ngematje. Bofakazi babeka timphahla tabo phansi kutsi tigadvwe lijaha lelalibitwa ngekutsi nguSawula.

1 kubaseKorinthe 15:31

Bazalwane, ngekubongwa lenginako ngani kuKhristu Jesu iNkhosi yetfu ngiyacinisa kutsi: Ngifa mihla yonkhe le!

Imisebenti yebaPhostoli 17:13

Kwatsi kube emaJuda aseThesalonika eve kutsi livi laNkulunkulu belishunyayelwa nguPawula naseBheriya, efika nakhona kutewususa sidvungudvungu.

Imisebenti yebaPhostoli 9:16

Mine ngekwami ngitamkhombisa konkhe lafanele ahlupheke ngako ngelibito lami.”

Imisebenti yebaPhostoli 22:20

Nangesikhatsi kubulawa Stefano, fakazi wakho, nami matfupha ngangikhona lapho, ngibambisene nalabo babulali bakhe ngekutsi ngibaphatsele timphahla tabo.’

Imisebenti yebaPhostoli 14:21

BoPawula naBhanabasi bashumayela liVangeli eDebe, batfola balandzeli labanyenti. Base babuyela emuva eListra, nase-Ikhoniyumi, nase-Antiyokhi lesePhisidiya.

Jeremiya 22:19

Uyawungcatjwa njengembongolo, ahudvulwe alahlwe le khashane, ngephandle kwemasango aseJerusalema.”

Imisebenti yebaPhostoli 13:14

Bahamba besuka ePhega befika e-Antiyokhi yasePhisidiya. Ngelilanga leliSabatha bangena esinagogeni bahlala phansi.

Imisebenti yebaPhostoli 14:1

Kwabuye kwenteka lokufanako nase-Ikhoniyumi boPawula naBhanabasi bangena esinagogeni lemaJuda bakhuluma ngendlela leyenta kutsi linyenti lemaJuda nemaGriki likholwe.

Imisebenti yebaPhostoli 14:2

Kepha emaJuda labengakholwa afaka lulwimi lolubi kubetive kuze bavukele bazalwane.

Imisebenti yebaPhostoli 14:4

Bantfu belidolobha behlukana ekhatsi, labanye baba ngakumaJuda, labanye baba ngakubaphostoli.

Imisebenti yebaPhostoli 14:18

Nangawo lawo mavi baphostoli babemisa kalukhuni bantfu kutsi babanikelele iminikelo.

Imisebenti yebaPhostoli 14:26

Nabesuka lapho bantjweza ngemkhumbi babuyela emuva e-Antiyokhi, indzawo lababenikelwe khona umsebenti waNkulunkulu labase bawentile.

Imisebenti yebaPhostoli 15:26

labanikele ngetimphilo tabo emsebentini weNkhosi yetfu Jesu Khristu.

2 kubaseKorinthe 11:26

Eluhambeni lwami ngabasetingotini temifula, nasetingotini tetigelekece, nasetingotini kubantfu bakitsi, nasetingotini kubetive, nasetingotini tasemadolobheni, nasetingotini temaphandleni, nasetingotini telwandle, nasetingotini kubazalwanembumbulu.

1 kubaseThesalonika 2:14

Bazalwane, nani naba balingisi bemabandla aNkulunkulu aseJudiya lakuKhristu Jesu; ngobe nani nehlelwa kuhlupheka kunye ngekuhlushwa bantfu bakini, njengobe nebantfu balawo mabandla bahlushwa ngemaJuda.