Hoseya 9:11 - Siswati 1996 Bible

¹¹ Bukhulu ba-Efrayimu buyawundiza bemuke njengenyoni, kubete kutalwa kwebantfwana, kubete kutetfwala, kubete ngisho nekubamba sisu.

Hoseya 9:11 ပူးပေါင်းရင်းမြစ်များ

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 9:14

Simakadze, banike! Kodvwa utabanikani? Banike titalo letingabambi, ubanike nemabele late lubisi.

Hoseya 4:7

Ngekwandza kwebaphristi kanjalo kwandza nekona kwabo kimi, ngitakwenanisa ngebukhosi babo batselwe lihlazo.

Dutheronomi 28:18

“Intalo yesisu sakho iyawucalekiswa, nesivuno selive lakho, nemankhonyane emihlambi yetinkhomo takho, nemazinyane emihlambini yetinkhomo takho, nemazinyane emihlambini yetimvu takho.

Lukha 23:29

Ngobe ayeta emalanga lapho bayawutsi: ‘Maye, baba nenhlanhla labo bafati labangazange batale bantfwana, nalawo mabele langazange amunyise.’

Amose 1:13

Naku lokushiwo nguSimakadze, utsi: “Bantfu baka-Amoni bone kwaze kwengca, ngaleso sizatfu ngingeke ngihlale ngingabajezisi. Ema-Amoni abahlinze beva bafati labatetfwele bakaGileyadi, kuze atekwandzisa iminyele yawo.

Umshumayeli 6:3

Indvodza ingaba nebantfwana labalikhulu, iphile iminyaka leminyenti; kodvwa nome ingaphila sikhatsi lesidze, ingakwati kutijabulisa ngetintfo letinhle tekuphila, bese kutsi ekugcineni ingabe insangcwatjwa nakahle, ngitsi umntfwana lotelwe asafile uncono kakhulu kunayo.

Tihlabelelo 58:8

Bente bancibilike baphele njengemnenkhe lohamba unafutela; babe njengemntfwana lotalwe asafile, longazange alibone nelilanga.

Jobe 18:5

“Sibane salomubi sicinyiwe, lilangabi lemlilo wakhe alisavutsi.

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”

Dutheronomi 28:57

nesidzandzane sakhe lesiphuma esiswini sakhe nebantfwabakhe labatele, ngobe ahlose kubadla ngasense ngesikhatsi sekuvinjetelwa nekujabhiswa leniyakwehliselwa kona titsa tenu emadolobheni enu.

Genesisi 49:22

“Josefa uligala lelitselako lemvini, ligala lelitsela ngasemtfonjeni wemanti, emagala akhe ayakhula acance lubondza.

Genesisi 41:52

Lona wesibili Josefa wametsa libito watsi ngu-Efrayimu, ngaloko abesho kutsi: “Nkulunkulu ungiphe bantfwana eveni lekuhlupheka kwami.”

Isaya 17:3

Lidolobha leliyinqaba liyawunyamalala kulaka-Efrayimu, kuphele nebukhosi bendlunkhulu yaseDamaseko. Insali yaseSiriya iyawuba njengebukhosi baka-Israyeli,” kusho Simakadze longuSomandla.

Hoseya 5:9

Efrayimu utakwentiwa abe yincitsakalo ngelilanga lekwehlulelwa. Emkhatsini wetive tema-Israyeli ngimemetela lokungiko.

2 Samuweli 6:23

Mikhali, indvodzakati yaSawula, akazange abe namntfwana, kwaze kwaba lilanga lakhe lekufa.