Hoseya 2:15 - Siswati 1996 Bible

¹⁵ Ngulapho-ke ngitambuyisela khona tivini takhe, ngente Sigodzi sase-Akhori sibe ngumnyango welitsemba. Ngulapho-ke lapho ayawuhlabela khona njengasemalangeni akhe ebusha, nanjengalelo langa laphuma ngalo eGibhithe.

Hoseya 2:15 ပူးပေါင်းရင်းမြစ်များ

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Hoseya 11:1

“Ngesikhatsi Israyeli asengumntfwana, ngamtsandza, indvodzana yami ngayibita, ngayikhipha eGibhithe.

Joshuwa 7:26

Etikwa-Akhani babutsisa indvundvuma lenkhulu yematje, lesolomane isesekhona lapho nalamuhla loku. Ngako Simakadze wagucuka ekutfukutseleni kwakhe lokwesabekako. Ngako-ke leyo ndzawo seyabitwa ngekutsi Sihosha sase-Akhori kusukela ngalelo langa. Ngako Simakadze wagucuka ekutfukutseleni kwakhe lokwesabekako.

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.

Hezekeli 16:60

Noko ngiyawusikhumbula sivumelwane lengasenta nawe ngesikhatsi sebusha bakho, ngiyawube sengimisa sivumelwane saphakadze nawe.

Hezekeli 16:22

Kuto tonkhe letento takho letinengekako, nakulobugwababane bakho, awuzange sewuwakhumbule emalanga ebusha bakho, ngesikhatsi usengcunu, ungakembatsi lutfo, usakhahlekhahlela esitibeni sengati yakho.’ ”

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Isaya 65:21

Bantfu bayakwakha tindlu, bahlale kuto, bayawuhlanyela tivini, badle titselo tato.

Zakhariya 9:12

Buyelani enqabeni yenu, nine tiboshwa lese ninelitsemba, ngisho nanyalo solo ngiyamemetela, ngitsi ngitanibuyisela ngalokuphindziwe.

Sililo 3:21

Yebo, noko ngiyakubuyisa engcondvweni, ngako nginelitsemba:

Jeremiya 32:15

Ngobe naku lokushiwo nguSimakadze longuSomandla, Nkulunkulu wema-Israyeli, utsi: Tindlu, nemasimi kanye netivini kuyawuphindze kutsengwe kulelive.’ ”

Tihlabelelo 106:12

Base bayawakholwa emavi akhe, bahlabela, bamdvumisa.

Numeri 21:17

Ngaso sona leso sikhatsi ema-Israyeli ahlabela ingoma atsi: “Geletisa emanti, wena mtfombo! Sitakwemukela ngekuhlabela,

Hoseya 12:9

“Mine nginguSimakadze Nkulunkulu wakho, lowakukhipha eGibhithe; ngiyawuphindze ngikwente uhlale emathendeni, njengasetikhatsini temadzili akho lemisiwe.

Isaya 65:10

ISharoni iyawuba lidlelo lemihlambi yetimvu netimbuti, kutsi Sigodzi sase-Akhori sibe yindzawo yekuphumula imihlambi yetinkhomo, yebantfu bami labangifunako.

Hoseya 2:12

Ngiyawuhliphita imivini yakhe nemikhwa yakhe, latsi: ‘Lena yinkhokhelo yami lenginikwe ngemashende ami;’ ngiyawukwenta kube lihlatsi leliminyene, tilwane tesiganga tikushwabudzele.

Tihlabelelo 129:1

“Bangihlupha kwasebusheni bami,” akasho njalo Israyeli atsi:

Jeremiya 2:1

Livi laSimakadze lefika kimi, latsi:

Jeremiya 3:4

Akusiwe yini lotsandza kungibita ngekutsi: ‘Babe wami, mngani wami kwasebusheni bami?

Jeremiya 29:11

Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.

Hezekeli 28:25

“ ‘Naku lokushiwo yiNkhosi Simakadze, itsi: Nangibutsa sive saka-Israyeli etiveni, lapho besihlakatelwe khona, ngiyawutibonakalisa ngingcwele emkhatsini waso embikwetive. Siyawube sesihlala eveni lelingelaso, lengaliniketa inceku yami Jakobe.

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

Hoseya 13:4

“Kodvwa mine nginguSimakadze longuNkulunkulu wakho, lowakukhipha eGibhithe. Animati lomunye Nkulunkulu ngaphandle kwami; kute uMsindzisi ngaphandle kwami.

Tikhulu 8:34

angete amkhumbula Simakadze Nkulunkulu wawo, labewephule etandleni tato tonkhe titsa tawo kuyo yonkhe indzawo.

1 Emakhosi 16:31

Akazange agcine ngekutijabulisa ngetono letatentiwe nguJerobowamu kuphela nje, kodvwa yena waze wateka naJezebeli, indvodzakati ya-Etbhali, inkhosi yemaSidoni, wamenta umkakhe; wacala kukhonta nekukhotsamela Bhali.