Hoseya 10:5 - Siswati 1996 Bible

⁵ Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 10:5 ပူးပေါင်းရင်းမြစ်များ

2 Emakhosi 10:29

Noko akazange agucuke etonweni taJerobowamu, umsa waNebati, labedvonsele ngato sive sema-Israyeli ekoneni lekwakukukhonta litfole legolide eBetheli nakaDani.

2 Emakhosi 17:16

Bayifulatsela yonkhe imiyalo yaSimakadze Nkulunkulu wabo, batakhela tabo tithico letimbili letimise kwematfole, batakhela nensika ya-Ashera. Bakhotsama tinkhanyeti, bakhonta sithico saBhali.

2 Emakhosi 23:5

Wabacitsa bonkhe baphristi bebumnyama lababekhetfwe ngemakhosi akaJuda kutsi batfuncise imphepho etindzaweni letiphakeme takaJuda kanye nasemaphetselweni aseJerusalema, labo bebatfuncisa imphepho kuBhali, naselangeni, nasenyangeni, nakuto tonkhe tinkhulungwane tetinkhanyeti.

2 Tikhronike 11:15

Wavele watibekela baphristi bakhe betindzawo letiphakeme nebetithico labetentile tinesimo sembuti nelinkhonyane.

2 Tikhronike 13:8

“Nyalo senitimisele kuphambana nembuso waSimakadze, losetandleni tetitukulwane taDavide. Vele, nine mabutfo lamakhulu kabi, kantsi futsi ninalamatfole egolide lenentelwa wona nguJerobowamu kutsi abe tithico tenu.

Isaya 46:2

Tiyakhotsama tiguce phansi kanyekanye tehluleke kuyetfula lemitfwalo letitfombe tato, tona cobo lwato tiyahamba tiye ekutfunjweni.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

Hoseya 9:1

Awu, Israyeli, ungajabuli; ungatsakasi njengaletinye tive. Ngobe nine aniketsembeki kuNkulunkulu wenu. Nitsandza inkhokhelo yebugwadla bekukhonta tithico; nifuna kukhokhelwa kuwo onkhe emabala ekubhulela kolo.

Hoseya 9:11

Bukhulu ba-Efrayimu buyawundiza bemuke njengenyoni, kubete kutalwa kwebantfwana, kubete kutetfwala, kubete ngisho nekubamba sisu.

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Zefaniya 1:4

“Ngiyakwelula sandla sami ngimelane naJuda, ngimelane nabo bonkhe labahlala eJerusalema. Yonkhe imisalela yaBhali ngiyakuyisusa kulendzawo: Emabito emahedeni nebaphristi labakhonta tithico,

Imisebenti yebaPhostoli 19:27

Kukhona ingoti yekutsi lomsebenti wetfu utfole ligama lelibi. Akusiko loko kodvwa kepha nengoti yekutsi lithempeli lankulunkulu lomkhulu, Diyana, lingeke lisanakwa ngumuntfu, kutawuphela bonkhe bukhulu bakhe, lonkulunkulu lokhontwa kulo lonkhe lase-Asiya nasemhlabeni wonkhe jikelele.”

Joshuwa 7:2

Joshuwa wabe sewutfumela emadvodza aseseJerikho kutsi aye e-Ayi, lesedvute neBhethi Aveni, emphumalanga neBetheli, wabatjela watsi: “Yenyukani niyewuhlola lelive.” Ngako lamadvodza enyuka ayawuhlola i-Ayi.

Tikhulu 18:24

Mikha wabaphendvula, watsi: “Nitsetse bonkulunkulu lengatentela bona, nemphristi wami nahamba naye. Ngisasele nani-ke? Ningangibuta kanjani nitsi: ‘Kwenteke njani?’ ”