Hezekeli 7:20 - Siswati 1996 Bible

²⁰ Babetigabatisa ngetimvunulo tabo nangekwekugaba kwabo lokuhle lababekusebentisa ekubumbeni kwabo letithico tabo letisinengiso, netitfombe letingenamsebenti. Ngako-ke ngiyawutigucula ngitente tingcole tingabi namsebenti.

Hezekeli 7:20 ပူးပေါင်းရင်းမြစ်များ

2 Emakhosi 21:4

Wakha emalati ekhatsi ethempelini laSimakadze, Simakadze labekhulume ngalo watsi: “Libito lami ngiyakulibeka eJerusalema.”

2 Emakhosi 21:7

Watsatsa insika ya-Ashera labeyentile wayibeka ethempelini, lelo Simakadze labekhulume ngalo kuDavide nakuSolomoni, umsa wakhe, watsi: “Kulelithempeli naseJerusalema lengiyikhetse emkhatsini wato tonkhe tive tema-Israyeli, ngitawubeka Libito lami kuyo phakadze naphakadze.

2 Tikhronike 2:9

kutsi angilungisele tingodvo letinyenti, ngobe lelithempeli lekufanele ngilakhe kumele libe likhulu futsi libe lihle.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Ezra 3:12

Kodvwa bonkhe baphristi, nebaLevi labadzala kanye nebaholi bemindeni, lababebone lithempeli lakucala, bakhala badzindza sililo, nababona sisekelo salelithempeli sesibekwa, kantsi laba labanye bebamemeta bajabulile.

Tihlabelelo 48:2

Yinhle ngekuphakama kwayo, ikujabula kwemhlaba wonkhe. INtsaba iSiyoni isemaphetselweni enyakatfo, ilikhaya leNkhosi lenkhulu.

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 64:11

Lithempeli letfu lelingcwele nalelikhatimulako, lapho bobabemkhulu bebakukhonta khona, selishiswe ngemlilo, nako konkhe lebekuligugu kitsi sekuyimfuhlululu nje.

Jeremiya 7:14

Ngako-ke loko lengakwenta eShilo, ngisetakwenta nanyalo kulendlu lebitwa ngeLibito lami, lelithempeli lenetsembele kulo, nendzawo lengayipha nine kanye naboyihlomkhulu.

Jeremiya 7:30

“ ‘Sive sakaJuda sente bubi emehlweni ami, kusho Simakadze. Bagcumeke tithico tabo letitinengiso endlini lebitwa ngeLibito lami, bayingcolisa.

Sililo 1:10

Sitsa sabeka tandla taso kuyo yonkhe imicebo yayo; iJerusalema yabona betive bangena ethempelini layo, labo lowabalela kutsi bangene ebandleni lakho.

Sililo 2:1

Maye! Simakadze uyimbonye kanjani iNdvodzakati yaseSiyoni ngelifu lentfukutselo yakhe! Ubudzaceke phansi bukhosi baka-Israyeli, busuka ezulwini buya emhlabeni. Akazange asikhumbule senabelo setinyawo takhe ngelilanga lentfukutselo yakhe.

Sililo 2:7

Simakadze ulilahlile lilati lakhe, wayishiya indzawo yakhe lengcwele. Unikele tibondza tetigodlo taseSiyoni etitseni; tamemeta kakhulu ekhatsi endlini yaSimakadze, kwaze kwaba shangatsi ngungelilanga lelidzili lelamiswa.

Hezekeli 11:18

“Bayawubuyela kulo, besuse tonkhe letitfombe talo letimbi kanye netithico letinengekako.

Hezekeli 16:16

Watsatsa letinye tetimphahla takho wenta ngato tindzawo letiphakeme letinemibala lemihle, lapho wawuchubela khona bugwababane bakho bekukhontela tithico. Tintfo letinjalo atikafaneli kutsi tenteke, futsi akukafaneli nje kutsi tibe khona.

Hezekeli 16:19

Wanikela nangekudla lengangikunikete wena kutsi udle: fulaha locolisakele, nemafutsa emncumo, neluju lengakunika kona kutsi ukudle, wakunikela kuto, kwaba yimphepho letsaphuka liphunga lelimnandzi. Nguloko-ke lokwenteka, kusho iNkhosi Simakadze.

Hezekeli 23:38

Baphindze bakwenta kimi loku: Ngasona leso sikhatsi bangcolisa indzawo yami lengcwele, bangete bawahlonipha nemaSabatha ami.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hezekeli 7:22

Ngiyawubafulatsela, nabo bayawuyonakalisa lendzawo yami leligugu kangaka; bosidlani bayawungena ngekhatsi kuyo bayingcolise.

Hezekeli 9:7

Wase utsi kubo: “Ngcolisani lelithempeli, nigcwalise tibuya talo ngetidvumbu talababulewe. Hambani!” Ngako baphuma-ke, bacala kubulala kulo lonkhe lidolobha.

Hagayi 2:3

‘Ngubani losesele kini lowake wayibona lendlu isenenkhatimulo yayo yakucala? Seyibukeka njani kini nyalo? Kini ayisafanani nje nelite?

Tikhulu 8:24

Wachubeka watsi: “Kunye lengikucelako, kutsi ngulowo nalowo angiphe licici esabelweni senu semphango.” Bekulisiko lema-Ishmayeli kufaka emacici egolide.

Tikhulu 8:27

Gideyoni wenta sidziya segolide, wasibeka edolobheni lakubo i-Ofra. Onkhe ema-Israyeli eta aphinga ngekukhonta sona; loko kwaba lugibe kuGideyoni kanye nemndeni wakhe.