Hezekeli 46:9 - Siswati 1996 Bible

⁹ “ ‘Bantfu nabeta kutawukhonta Simakadze nome ngukumuphi umkhosi, labo labangena ngelisango langasenyakatfo kufanele baphume ngelisango langaseningizimu, nase bacedze kukhonta; nalabo labangene ngelisango langaseningizimu kufanele baphume ngelisango langasenyakatfo. Kute namunye lokufanele aphume ngelisango langene ngalo, kodvwa kufanele aphume ngalelinye lisango lelimalungana nalelo langene ngalo.

Hezekeli 46:9 ပူးပေါင်းရင်းမြစ်များ

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Eksodusi 34:23

“Katsatfu ngemnyaka bonkhe labadvuna bakho bayawutibonakalisa eNkhosini lenguSimakadze, Nkulunkulu wema-Israyeli.

Hezekeli 1:12

Nguleso naleso sasihamba sicondze embili. Njalo nje lapho kuya khona Moya, nato tatiya khona; tatingagucuki ekuhambeni kwato.

Hezekeli 1:17

Njengobe abehamba nje abengahamba acondze kunome nguyiphi indzawo kuleti letine, lapho letidalwa tatibheke ngakhona; lamasondvo abengagucuki, nakuhamba letidalwa.

Hezekeli 36:38

babe banyenti ngangemihlambi yeminikelo eJerusalema, ngetikhatsi temikhosi yakhona lemisiwe. Kanjalo-ke kulamadolobha labebhidlitiwe kuyawunyakatela bantfu. Ngulapho-ke bayawukwati khona kutsi mine nginguSimakadze.”

Hezekeli 40:24

Lendvodza yase ingiyisa ngaseluhlangotsini lwangaseningizimu, nalapho sabona lenye indlu yelisango. Yakala tibondza tayo nemhubhe wayo lobukene nesibuya, konkhe kwakufanana tjika naloku lokunye.

Hezekeli 44:24

“ ‘Kuyo yonkhe imibango, baphristi kufanele babe behluleli, bakhiphe sincumo lesihambisana netimiso tami. Kufanele bayigcine imitsetfo yami netimiso tami tayo yonkhe imikhosi yami lebekiwe, bagcine nemaSabatha ami angcwele.

Hezekeli 8:14

Wase ungiyisa ekungeneni kwelisango lelingasenyakatfo lendlu yaSimakadze, ngabona bafati bahleti phansi lapho, balilela Thamuzi.

Mikha 6:6

Ngiyawuletsani mine kuSimakadze, Nkulunkulu wemazulu, nangitemkhonta? Ngiyawuletsa emazinyane lamnyaka munye abe ngumnikelo wekushiswa kuye yini?

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

KumaHebheru 10:38

Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”