Hezekeli 46:16 - Siswati 1996 Bible

¹⁶ “ ‘Naku lokushiwo yiNkhosi Simakadze, itsi: Nangabe umbusi lobusako apha indvodzana yakhe incenye yelive lakhe, njengesipho nje, seliyawuba laleyo ndvodzana yakhe neletitukulwane tayo, kuhlale kuyincenye yelifa lakabo.

Hezekeli 46:16 ပူးပေါင်းရင်းမြစ်များ

2 Tikhronike 21:3

Uyise abebaphe tipho letinyenti tegolide netesiliva netintfo letiligugu kakhulu kanye nemadolobha latinqaba akaJuda, kodvwa umbuso wawupha Jehoramu, njengobe kwakungulona tubulo lakhe.

KubaseGalathiya 4:7

Ngako-ke awusesiso sigcili, kodvwa sewuyindvodzana; nawuyindvodzana uyindlalifa yaNkulunkulu ngaKhristu.

Lukha 10:42

kodvwa yinye kuphela ledzingekile. Mariya ukhetse intfo lengiyo sibili, kunjalo nje angeke ayemukwe ngumuntfu leyo ntfo.”

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Tihlabelelo 37:18

Simakadze uyawati emalanga alabacotfo, nelifa labo liyawuhlala lilabo phakadze naphakadze.

Hezekeli 45:7

“ ‘Kufanele kube nelive futsi lelehlukaniselwa umbusi lobusako. Kusukela emnyeleni longasenshonalanga wendzawo lengcwele liyawuchubekela elwandle iMedithera; kusuka ngasemnyeleni wasemphumalanga liyawuchubekela ngasemphumalanga yelive, kuze kutsi budze balo bulingane nebudze balenye yetindzawo letabelwe tive taka-Israyeli.