Hezekeli 45:18 - Siswati 1996 Bible

¹⁸ “ ‘Naku lokushiwo yiNkhosi Simakadze, itsi: Ngenyanga yekucala elangeni lekucala kufanele nitsatse inkunzana leseyincane, lengenasiyela, nihlambulule lithempeli.

Hezekeli 45:18 ပူးပေါင်းရင်းမြစ်များ

Eksodusi 12:2

“Lenyanga kufanele ibe yinyanga yekucala emnyakeni wenu.

Eksodusi 40:2

“Ngelilanga lekucala enyangeni yekucala ubomisa lithende lekukhontela, lekulithende lekuhlangana.

Hezekeli 43:19

Kufanele unikele ngenkunzana kutsi ibe ngumnikelo wesono kubaphristi, labangemaLevi, bendlu yakaSadoki, labasondzelako kutewukhonta embikwami, kusho iNkhosi Simakadze.

Hezekeli 43:20

Kufanele utsatse lenye yengati yayo uyibeke kuletimphondvo letine telilati, nasemakoneni omane emngcengcema longetulu, nakuwo wonkhe lomngcengcema, khona utewuhlambulula lilati ulentele inhlawulo.

Hezekeli 43:22

“Ngelilanga lesibili kufanele unikele ngesiphongo lesingenasiyela kube ngumnikelo wesono, nelilati kufanele lihlanjululwe, njengobe lalihlanjululwe ngenkunzi.

Hezekeli 43:23

Utawutsi ungacedza kulihlambulula, uyawube sewunikela ngenkunzana kanye nangesihhanca lesiphuma emhlambini, kokubili kungabi nasiyela.

Hezekeli 43:26

Kuwo onkhe lamalanga lasikhombisa kufanele bente inhlawulo yelilati, balihlambulule.

Hezekeli 45:20

Ngelilanga lesikhombisa lenyanga uyakwenta njalo futsi, entele nome ngubani lowone ngesiphosiso, nome one ngekungati. Ngaleyo ndlela-ke niyawulihlawulela lithempeli.

Hezekeli 46:1

“ ‘Naku lokushiwo yiNkhosi Simakadze, itsi: Lisango langasemphumalanga lelingenela esibuyeni sangekhatsi kufanele lihlale livaliwe kuwo onkhe lamalanga lasitfupha emsebenti, kodvwa kufanele libovulwa ngeliSabatha nangemikhosi yekwetfwasa kwenyanga.

Levithikusi 16:16

Ngaleyo ndlela uyakwentela indzawo lengcwelengcwele inhlawulo yekubuyisana ngenca yekungcola kwebantfu baka-Israyeli ngekwemtsetfo nangenca yekona kwabo nato tonkhe tono tabo, alentele njalo nelithende lekuhlangana lelihlala emkhatsini wabo, litungeletwe kungcola kwabo ngekwemtsetfo.

Levithikusi 16:33

ente kuSimakadze inhlawulo yekubuyisana kwendzawo lengcwelengcwele nekwelithende lekuhlangana, nekwelilati, nekwebaphristi kanye nekwesive sonkhe.

Levithikusi 22:20

Ningakuletsi lokunesiyela, ngobe kungeke kwemukeleke kutsi kubesesikhundleni senu.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.