Hezekeli 45:17 - Siswati 1996 Bible

¹⁷ Kuyawuba ngumsebenti wakhe kutsi aletse tilwane letitawushiswa samuku, neminikelo yalokutinhlavu, neminikelo yesinatfo saso sonkhe sive saka-Israyeli ngemikhosi yekwetfwasa kwenyanga, nangemaSabatha, nangaleminye imikhosi. Kufanele aletse iminikelo yesoni, neminikelo yalokutinhlavu, neminikelo yekushiswa, neminikelo yebudlelwane, kuze atewuhlawulela tono tesive saka-Israyeli.’ ”

Hezekeli 45:17 ပူးပေါင်းရင်းမြစ်များ

2 Samuweli 6:19

Wase uniketa wonkhe umuntfu labekhona kuleso sicuku umkhama wesinkhwa, nelicebelengwane lemasundvu kanye nelemagelebisi lomisiwe, onkhe ema-Israyeli, labadvuna nalabasikati. Bonkhe bantfu bacitseka babuyela emakhaya abo.

2 Tikhronike 30:24

Hezekiya, inkhosi yakaJuda, waletsa kulelibandla tinkunzi letiyinkhulungwane, netimvu netimbuti letiti-7 000, kwase kutsi letiphatsimandla tona taletsa tinkunzi letiyinkhulungwane netimvu netimbuti letiti-10 000. Baphristi labanyenti base batingcwelisa bona matfupha.

2 Tikhronike 31:3

Inkhosi yanikela ngetayo timphahla eminikelweni yekushiswa, yasekuseni neyasentsambama, naseminikelweni yekushiswa yemaSabatha, neyekwetfwasa kwenyanga, neyemikhosi lemisiwe, njengobe kubhaliwe emtsetfweni waSimakadze.

2 Tikhronike 5:6

Inkhosi Solomoni ikanye naso sonkhe sive sema-Israyeli lesasiyisingatsile babesembikwelibhokisi lesivumelwane benta umhlatjelo wetimvu letinyenti newetinkhomo letinyenti, kangangekutsi tatingeke tikhoneke kubalwa nekubhalwa phansi.

Ezra 1:5

Kwatsi baholi bemindeni yakaJuda neyakaBhenjamini, nebaphristi, nemaLevi, nabo bonkhe Nkulunkulu latsintsa tinhlitiyo tabo kutsi bahambe bayewulakha lithempeli laSimakadze, batilungiselela kwenyukela eJerusalema.

Tihlabelelo 22:29

Yebo, bonkhe labacebile emhlabeni, bayawudla bakhotsame embikwakhe; bonkhe labayakuya phansi elutfulini, bayawuguca embikwakhe bakhonte, yebo, nabo bonkhe labangeke batibambe kutsi bafe.

Tihlabelelo 68:18

Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Isaya 66:23

Kusukela ekwetfwaseni kwenyanga kuye kulelandzelako, nekusukela kulelinye liSabatha kuye kulelinye, bonkhe bantfu bayakuta bakhotsame embikwami,” kusho Simakadze.

Hezekeli 43:27

Ekupheleni kwalamalanga, kusukela elangeni lesiphohlongo kuya embili, baphristi kufanele betfule iminikelo yenu yekushiswa kanye neminikelo yenu yekuthula etikwelilati. Ngiyawube sengiyanemukela-ke, kusho iNkhosi Simakadze.”

Hezekeli 45:15

Timvu: Imvu yinye itsatfwe kuwo umhlambi wema-200 tasemadlelweni lanemanti aka-Israyeli. Kufanele niletse iminikelo yalokutinhlavu, netilwane letitawushiswa samuku, netilwane temnikelo webudlelwane, kuze kutewuhlawulela tono tenu. Mine iNkhosi Simakadze sengikhulumile.

Hezekeli 46:1

“ ‘Naku lokushiwo yiNkhosi Simakadze, itsi: Lisango langasemphumalanga lelingenela esibuyeni sangekhatsi kufanele lihlale livaliwe kuwo onkhe lamalanga lasitfupha emsebenti, kodvwa kufanele libovulwa ngeliSabatha nangemikhosi yekwetfwasa kwenyanga.

Levithikusi 4:27

“ ‘Nangabe kone umuntfu nje, abe nelicala lekwephula lomunye wemiyalo yaSimakadze, angakacondzi,

Numeri 29:29

“ ‘Ngelilanga lesitfupha niyakulungisa tinkunzi letisiphohlongo, netihhanca letimbili, nemazinyane lamadvuna etimvu lali-14 lanemnyaka munye budzala, onkhe angabi nasiyela.

Johane 1:16

Ngobe ekupheleleni kwakhe sonkhe saphiwa umusa etikwemusa.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

KumaHebheru 13:10

Sinelilati, lapho khona umhlatjelo losetikwalo baphristi labakhonta ethendeni lekuhlangana bate lilungelo lekuwudla.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.