Hezekeli 44:5 - Siswati 1996 Bible

⁵ Simakadze wakhuluma kimi, watsi: “Ndvodzana yemuntfu, bukisisa, sondzela ulalele ukunakisise konkhe loko lengikutjela kona macondzana nayo yonkhe imitsetfo lephatselene nelithempeli laSimakadze. Yinakekele yonkhe imitsetfo yekungena ethempelini nayo yonkhe yekuphuma endzaweni lengcwele.

Hezekeli 44:5 ပူးပေါင်းရင်းမြစ်များ

Hezekeli 40:4

Lendvodza yakhuluma kimi, yatsi: “Ndvodzana yemuntfu, buka ngemehlo akho uve ngetindlebe takho, ulalelisise konkhe lengitakukukhombisa kona, ngobe nguloko lokungukona ukuletselwe lapha. Tjela indlu yaka-Israyeli konkhe loku lokubonako.”

Dutheronomi 32:46

wakhuluma kubo watsi: “Wafakeni etinhlitiyweni tenu onkhe lamavi lenginitjela wona lamuhla, khona niyekuyala ngawo bantfwabenu kutsi bawahloniphe ngekucophelela onkhe emavi alomtsetfo.

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Imisebenti yebaPhostoli 8:36

Basachubeka nendlela yabo befika lapho kunemanti khona siphatsimandla satsi: “Ingani nankha emanti, kwalani kutsi ngibhajatiswe?” [

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Danyela 10:12

Wachubeka watsi: “Ungesabi, Danyela. Kusukela ngelilanga lekucala, mzukwana utimisela engcondvweni yakho kutsi ufuna kucondza kahle nekutitfoba embikwaNkulunkulu, emavi akho evakala kahle onkhe, mine sengitele kutawuletsa imphendvulo yawo.

Taga 24:32

Ngatsi kube ngikubone loku, ngafundza nasi sifundvo:

Tihlabelelo 119:4

Wena, Simakadze, usinike imiyalo yakho, wasiyala kutsi siyitfobele ngenhlonipho.

2 Tikhronike 11:16

Bonkhe bantfu baleso naleso sive saka-Israyeli lababebeke tinhlitiyo tabo ekufuneni Simakadze, Nkulunkulu wema-Israyeli, balandzela emaLevi baya eJerusalema kuyawunikela imihlatjelo kuSimakadze, Nkulunkulu waboyise.

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

Eksodusi 9:21

Kodvwa letinye tato atizange tiwanake emavi aSimakadze; ngako tigcili tato netifuyo tato tatiyekelela ngaphandle tangete tatikhoselisa.

Hezekeli 42:9

Lamakamelo langaphansi wona abenemnyango ngasemphumalanga, nangabe umuntfu angena esuka esibuyeni sangephandle.

Hezekeli 46:19

Lendvodza yase ingiyisa ekungeneni kwemakamelo labheke ngasenyakatfo eceleni kwelisango langaseningizimu kwesibuya sangekhatsi. Lawo-ke bekungemakamelo langcwele ebaphristi. Yase ingikhombisa lenye indzawo ngasenshonalanga kwalamakamelo,

Hezekeli 47:6

Yangibuta yatsi: “Ndvodzana yemuntfu, uyakubona-ke loku?” Yase iyangihola njalo yangibuyisela elusentseni lwemfula.

Tihlabelelo 24:3

Ngubani loyakwenyuka intsaba yaSimakadze? Ngubani loyakuma endzaweni yakhe lengcwele?