Hezekeli 44:12 - Siswati 1996 Bible

¹² Kodvwa njengobe abebakhonta embikwetithico tabo enta indlu yaka-Israyeli yawela esonweni, ngako-ke ngifunge ngesandla lesiphakanyisiwe kutsi kufanele etfwale imiphumela yesono sawo, kusho iNkhosi Simakadze.

Hezekeli 44:12 ပူးပေါင်းရင်းမြစ်များ

Tihlabelelo 106:26

Ngako-ke waphakamisa sandla sakhe wafunga kubo kutsi uyawubabhubhisa bafele ehlane,

Hezekeli 44:10

“ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Hezekeli 20:23

Ngafunga kubo ngiphakamise sandla ehlane kutsi ngiyawubasakatela emkhatsini wetive, ngibahlakatele emaveni ngemave,

Hezekeli 20:15

Ngafunga futsi kubo ngekuphakamisa sandla ehlane, kutsi ngingeke ngisabayisa kulelive lengangibanike lona, live leligcwele lubisi neluju lwetinyosi, live lelihle kwendlula onkhe lamanye emave,

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Hoseya 5:1

“Lalelani lapha, nine baphristi! Nakisisani, nine ma-Israyeli! Lalelani, ninendlu yebukhosi! Lesehlulelo simelene nani: Nibe lugibe eMispa, naba linetha lelendlalelwe eThabori.

Hoseya 4:6

bantfu bami bayabhujiswa ngenca yekweswela lwati. “Njengobe nikulahlile kwati mine, nami-ke sengiyanilahla kutsi ningete naba baphristi bami; njengobe niwutsalalisele umtsetfo waNkulunkulu wenu, nami-ke ngiyawubatsalalisela bantfwabenu.

Hezekeli 44:13

Akukafaneli asondzele atengikhonta njengebaphristi nome-ke asondzele nome ngangukutiphi tintfo tami letingcwele nome iminikelo lengcwelengcwele; kufanele aletfwale lihlazo ngaletento tabo letisinengiso.

Hezekeli 20:28

Nangibafikisa eveni lengafunga kutsi ngitalinika bona, benelela kufika kulo, babona tonkhe tintsaba letiphakeme netihlahla letimacembe ato avoshokile, base besuka banikelela khona imihlatjelo yabo, benta iminikelo leyangicunula mine ngase ngiyatfukutsela, betfula imphepho yabo letsaphukako, batfulula iminikelo yabo yetinatfo.

Hezekeli 20:6

Ngalelo langa ngafunga kubo kutsi ngiyawubakhipha eGibhithe, ngibayise eveni lengilicingele bona, live leligcwele lubisi neluju lwetinyosi, live lelihle kwendlula onkhe lamanye emave.

Isaya 9:16

Labo labahola lesive bayasedukisa, nalabo labaholwako bayalahlekiswa.

Hezekeli 48:11

Leyo-ke kuyawuba yebaphristi labehlukaniselwe, bakaSadoki, lababetsembekile ekungikhonteni, bangete beduka njengobe kwenta emaLevi ngesikhatsi kweduka ema-Israyeli.

Hoseya 4:9

Kuyawuba nje: Bantfu bayawufanana nebaphristi. Ngiyawubajezisa bobabili ngetindlela tabo, ngibakhokhele ngaloko lokubi labakwentile.”