Hezekeli 43:26 - Siswati 1996 Bible

²⁶ Kuwo onkhe lamalanga lasikhombisa kufanele bente inhlawulo yelilati, balihlambulule.

Hezekeli 43:26 ပူးပေါင်းရင်းမြစ်များ

Eksodusi 29:24

Konkhe lokudla kwetfule etandleni ta-Aroni nasetandleni temadvodzana akhe, bakujikitisele kimi njengemnikelo lojikitiselwe kuSimakadze.

Eksodusi 32:29

Mosi wakhuluma kumaLevi watsi: “Lamuhla senitehlukanisele Simakadze ngentsengo yekubulala lowo nalowo indvodzana yakhe nemnakabo. Ngako-ke lamuhla sewunibusisile.”

Hezekeli 43:20

Kufanele utsatse lenye yengati yayo uyibeke kuletimphondvo letine telilati, nasemakoneni omane emngcengcema longetulu, nakuwo wonkhe lomngcengcema, khona utewuhlambulula lilati ulentele inhlawulo.

Hezekeli 43:22

“Ngelilanga lesibili kufanele unikele ngesiphongo lesingenasiyela kube ngumnikelo wesono, nelilati kufanele lihlanjululwe, njengobe lalihlanjululwe ngenkunzi.

Hezekeli 43:25

“Kuwo onkhe lamalanga lasikhombisa kufanele unikele ngesiphongo kube ngumnikelo wesono, kufanele futsi kube nenkunzana nesihhanca lesiphuma emhlambini, kokubili kungabi nasiyela.

Hezekeli 43:27

Ekupheleni kwalamalanga, kusukela elangeni lesiphohlongo kuya embili, baphristi kufanele betfule iminikelo yenu yekushiswa kanye neminikelo yenu yekuthula etikwelilati. Ngiyawube sengiyanemukela-ke, kusho iNkhosi Simakadze.”

Hezekeli 45:18

“ ‘Naku lokushiwo yiNkhosi Simakadze, itsi: Ngenyanga yekucala elangeni lekucala kufanele nitsatse inkunzana leseyincane, lengenasiyela, nihlambulule lithempeli.

Levithikusi 8:33

Ningesuki lapho ekungeneni kwelithende lekuhlangana, kuze kuphele lawo malanga lasikhombisa emgcobo wenu; ngobe umgcobo wenu uyawutsatsa emalanga lasikhombisa.

Levithikusi 8:34

Simakadze usiyale kutsi sente loku lesikwente lamuhla khona kutewuba yinhlawulo yenu yekubuyisana naSimakadze.