Hezekeli 43:20 - Siswati 1996 Bible

²⁰ Kufanele utsatse lenye yengati yayo uyibeke kuletimphondvo letine telilati, nasemakoneni omane emngcengcema longetulu, nakuwo wonkhe lomngcengcema, khona utewuhlambulula lilati ulentele inhlawulo.

Hezekeli 43:20 ပူးပေါင်းရင်းမြစ်များ

Eksodusi 29:12

Ubotsatsa litsantana lalengati ngemuno ulibhoce etimphondvweni telilati; lengati lesele uyitsele esisekelweni selilati.

Eksodusi 29:36

Onkhe emalanga ubonikela ngenkunzi ibe ngumnikelo wetono, khona titawutsetselelwa; ngekwenta njalo utawuhlambulula lilati, uligcobe ngemafutsa ulingcwelise bese uyalinikela.

Eksodusi 29:37

Loku ubokwenta onkhe lamalanga lasikhombisa. Lelilati litawuba ngcwele ngalokuphelele; lowo nome loko lokulitsintsako kutawulinyatwa ngemandla ebungcwele balo.”

Hezekeli 43:14

Kusuka kulomsedlana phansi kuye etulu bekungaba limitha linye bese kutsi bubanti bube sigamu selimitha. Lencenye lelandzelako yayentiwe yaba ngemasentimitha labengaba ngema-50 bubanti, bese kuba ngemamitha labengaba mabili kuphakama. Lencenye lelandzela leyo nayo yayihleleke kusukela emngcengcemeni wayo kwaba ngemasentimitha labengaba ngema-50 kutungeleta.

Hezekeli 43:22

“Ngelilanga lesibili kufanele unikele ngesiphongo lesingenasiyela kube ngumnikelo wesono, nelilati kufanele lihlanjululwe, njengobe lalihlanjululwe ngenkunzi.

Hezekeli 43:26

Kuwo onkhe lamalanga lasikhombisa kufanele bente inhlawulo yelilati, balihlambulule.

Hezekeli 45:18

“ ‘Naku lokushiwo yiNkhosi Simakadze, itsi: Ngenyanga yekucala elangeni lekucala kufanele nitsatse inkunzana leseyincane, lengenasiyela, nihlambulule lithempeli.

Hezekeli 45:19

Umphristi uyawutsatsa incenye yengati yemnikelo wesono, ayibhoce etinsikeni temnyango wasethempelini, nasemakoneni omane emngcengcemeni longetulu elatini, nasetinsikeni temasango laphumela esibuyeni lesingekhatsi.

Levithikusi 16:18

Uyawuphuma ete elatini embikwaSimakadze ente inhlawulo yekubuyisana kwelilati kuSimakadze. Uyawutsatsa lenye yalengati yalenkunzi nalenye yalengati yembuti ayibeke etimphondvweni tonkhe telilati.

Levithikusi 16:19

Ingati uyawuyifafata ngemuno wakhe kasikhombisa kulelilati atelihlambulula ekungcoleni kwema-Israyeli, alehlukanisele Simakadze libe ngcwele.”

Levithikusi 4:25

Umphristi uyakwenya umuno wakhe kulengati yalesilwane, bese uyibhoca etimphondvweni telilati leminikelo yekushiswa, lena lenye ingati ayitsele esisekelweni selilati.

Levithikusi 4:30

Umphristi uyakwenya umuno wakhe kulengati yalesilwane, bese uyibhoca etimphondvweni telilati lemihlatjelo yekushiswa, lena lenye ingati lesele ayitsele esisekelweni selilati.

Levithikusi 4:34

Umphristi uyakwenya umuno wakhe kulengati yalesilwane, bese uyibhoca etimphondvweni telilati lemnikelo wekushiswa, lena lenye ingati ayitsele esisekelweni selilati.

Levithikusi 8:14

Mosi wase uletsa inkunzi yemnikelo wesono, Aroni nemadvodzana akhe babeka tandla etikwenhloko yayo.

Levithikusi 8:15

Mosi wayihlaba lenkunzi, wase utsatsa lenye ingati yayo wenya umuno wakhe kuyo, wabhoca timphondvo telilati kutsi alihlambulule. Lena lenye ingati lesele wayitsela esisekelweni selilati, walingcwelisa ngekulentela inhlawulo yekubuyisana kuSimakadze.

Levithikusi 9:9

Emadvodzana akhe amletsela ingati, wenya umuno wakhe, wayifafata etimphondvweni telilati; lena lenye wayitsela esisekelweni selilati.