Hezekeli 41:26 - Siswati 1996 Bible

²⁶ Kuletibondza tasemaceleni temhubhe bekunemafasitelo lamancane netihlahla temasundvu letaticoshwe ngala nangale. Lamakamelo lasemaceleni elithempeli nawo abenato leto tivikelo.

Hezekeli 41:26 ပူးပေါင်းရင်းမြစ်များ

1 Emakhosi 7:4

Emafasitelo ayo bekakhiwe etulu, akhiwe ngamatsatfu abukene.

1 Emakhosi 7:6

Wakha indlu yetinsika leyayingemamitha labengaba ngema-23 budze, nemamitha labengaba li-13 nesigamu bubanti. Embikwayo bekunemhubhe lowawunetinsika letatimise vulande.

Hezekeli 40:16

Bekunemafasitelo lamancane kulolubondza lolungephandle lwalamakamelo abogadzi nakuleti letatisemkhatsini walamakamelo kanye nakulomhubhe yonkhe indzawo. Bekunetihlahla temasundvu letaticoshwe kuletibondza letingekhatsi letatibheke kulomhubhe wangekhatsi.

Hezekeli 40:48

Yase iyangitsatsa yangiyisa kulomhubhe wekungena ethempelini. Yakala umnyango wawo, wawungemamitha labengaba mabili nesigamu budze, nemamitha labengaba sikhombisa bubanti, netibondza tawo tatingaba limitha linye nesigamu bucinsi bato, ngala nangale.

Hezekeli 40:9

wawungemamitha labengaba mane bubanti, tibondza tawo tatingaba limitha linye bucinsi. Lomhubhe walendlu yelisango wawubukene nelithempeli.

Hezekeli 41:16

kanye neminyango, nemafasitelo lamancane, nematsala labetungeleta letindzawo letintsatfu, kanye nako konkhe lokunye kanye nelingephandle leminyango kwakwembeswe ngelugodvo. Siyilo nelubondza kuze kuyewufika emafasitelweni, kwakumbonyiwe.

Hezekeli 41:5

Lendvodza yase ilinganisa lubondza lwelithempeli; yalukhandza lungemamitha labengaba matsatfu bucinsi, bubantsi balelo nalelo kamelo latungeleta lithempeli babungemamitha labengaba mabili.