Hezekeli 40:48 - Siswati 1996 Bible

⁴⁸ Yase iyangitsatsa yangiyisa kulomhubhe wekungena ethempelini. Yakala umnyango wawo, wawungemamitha labengaba mabili nesigamu budze, nemamitha labengaba sikhombisa bubanti, netibondza tawo tatingaba limitha linye nesigamu bucinsi bato, ngala nangale.

Hezekeli 40:48 ပူးပေါင်းရင်းမြစ်များ

1 Emakhosi 6:3

Umhubhe lokwakungenwa ngawo wawungemamitha labengaba mane nesigamu budze, ube ngemamitha labengaba yimfica bubanti, bubanti bawo babungangebelithempeli.

2 Tikhronike 3:4

Umhubhe lekwakungenwa ngawo wawungemamitha labengaba ngema-54 kuphakama, nemamitha labengaba yimfica bubanti. Wawulingana nalelithempeli ngebubanti. Lingekhatsi lawo lalembeswe ngegolide lecengekile.

Hezekeli 41:24

Ngulowo nalowo mnyango wawunetivalo letingumphacambili, tivalo letimbili letijikitako esivalweni sisinye.

Hezekeli 41:26

Kuletibondza tasemaceleni temhubhe bekunemafasitelo lamancane netihlahla temasundvu letaticoshwe ngala nangale. Lamakamelo lasemaceleni elithempeli nawo abenato leto tivikelo.

Hezekeli 41:3

Yase ingena kulendzawo lengcwele leyayingekhatsi, yakala letibhonga temnyango, sisinye sasingaba limitha bubanti. Lomnyango wawungemamitha labengaba matsatfu bubanti, budze betibondza tangasemaceleni emnyango babungemamitha labengaba matsatfu nesigamu.