Hezekeli 40:17 - Siswati 1996 Bible

¹⁷ Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.

Hezekeli 40:17 ပူးပေါင်းရင်းမြစ်များ

1 Emakhosi 6:5

Elubondzeni lwendlu lenkhulu lengekhatsi kanye nakulolo lwendzawo lengcwelengcwele lengekhatsi wakha sitezi lesasitungelete lithempeli, lapho bekunaletinye tindlu tasemaceleni ayo.

2 Emakhosi 23:11

Titfombe temahhashi, emakhosi akaJuda labenikele ngato elangeni, watisusa emnyango welithempelini laSimakadze. Betibekwe ngekhatsi esibuyeni eceleni kwelikamelo lemphatsi lekwakutsiwa nguNathani Meleki. Josaya watishisa naletincola letatinikelwe elangeni.

1 Tikhronike 23:28

Umsebenti wemaLevi kwakukusita emadvodzana a-Aroni emsebentini wasethempelini laSimakadze: Babefanele kwengamela tibuya netindlu letatichunywe ethempelini, nekuhlambulula tonkhe tintfo letingcwele kanye nekwenta leminye nje imisebenti yasendlini yaNkulunkulu.

1 Tikhronike 9:26

Kodvwa bomahlalesangweni labakhulu labane bemaLevi bona bebanikwe umsebenti wekunakekela emakamelo kanye nengcebo endlini yaNkulunkulu.

2 Tikhronike 31:11

Hezekiya wase utsi akulungiswe emakamelo ekulondvolota ethempelini laSimakadze, loko kwentiwa masinyane.

Eksodusi 27:9

“Lelithende lekukhontela ubolibiyela ngesibuya; lesibuya ubosakha ngetindvwangu telineni lecolisakele. Ngaseningizimu lesibuya kufanele sibe nebudze lobungemamitha langaba ngema-46,

Hezekeli 10:5

Umsindvo wetimphiko temakherubhi wawungevakala khashane, ngisho nasesibuyeni sangephandle, njengelivi laNkulunkulu Somandla, nakakhulumako.

Hezekeli 40:18

Lesiyilo sasiseceleni kwaletindlu temasango, bubanti baso babulingene nebudze baletindlu temasango. Lesi kwakusiyilo lesasingentansi.

Hezekeli 40:38

Kulesibuya sangephandle kwakunesakhiwo, lesasichunywe kulendlu yelisango lelingekhatsi ngasenyakatfo. Sasiphumela kulomhubhe wayo lowawubheke kulesibuya, lapho-ke ngulapho babegezela khona letilwane letatitekwentiwa umhlatjelo wekushiswa samuku.

Hezekeli 40:44

Lendvodza yase ingimisa kulesibuya sangekhatsi. Kwakunemakamelo lamabili lavulekela kulesibuya sangekhatsi, lilinye laliseceleni kwelisango langasenyakatfo, lalibheke ngaseningizimu, leli lelinye liseceleni kwelisango langaseningizimu libheke ngasenyakatfo.

Hezekeli 40:45

Lendvodza yangitjela kutsi lelikamelo lelibheke ngaseningizimu lalilebaphristi lababekhonta ethempelini,

Hezekeli 40:46

lelikamelo lelalibheke ngasenyakatfo lalilebaphristi lababekhonta elatini. Labaphristi kwakuyintalelwane yaSadoki, kwakungabo kuphela emalunga labewesive semaLevi labenelilungelo lekusondzela ebukhoneni baSimakadze ayewumkhonta.

Hezekeli 41:10

nemakamelo ebaphristi lalingemamitha labengaba lishumi bubanti; lelibala lalitungeleta lithempeli.

Hezekeli 41:6

Lamakamelo asemaceleni abetitezi letintsatfu, lesinye singetulu kwalesinye, kuleso nakuleso sitezi kwakunemakamelo langema-30. Lingephandle lwelubondza lwelithempeli kuleso naleso sitezi kwakunemingcengcema leyayitungelete lolubondza lwelithempeli leyayisimisa lamakamelo lasemaceleni, kuze tisimiso tingafakwa elubondzeni lwelithempeli.

Hezekeli 42:1

Lendvodza yangihola yangicondzisa ngasenyakatfo esibuyeni sangephandle, yangiyisa emakamelweni lamacondzana nelibala lelithempeli namalungana nelubondza lwangephandle ngasenyakatfo.

Hezekeli 42:10

Ngaseningizimu kwelibala lelithempeli kugudla lubondza lwesibuya sangephandle, kwakunemakamelo labhekene nelubondza lwangephandle. Lamakamelo

Hezekeli 42:3

Kuyo yomibili lemihlubulo, umhlubulo lowawungemamitha labengaba lishumi, kanye nalomhlubulo lomalungana nesiyilo sesibuya sangephandle, lendlu yayinelitsala lelibhekene nelitsala etigabeni letintsatfu.

Hezekeli 42:4

Embikwalamakamelo ayo bekunemhubhe wangekhatsi lowawungemamitha labengaba sihlanu bubanti, nemamitha labengaba ngema-50 budze. Iminyango yalemihubhe yayingasenyakatfo.

Hezekeli 44:1

Lendvodza yase ingibuyisela emuva esangweni lelingephandle lendzawo lengcwele, lelo lelibheke emphumalanga, lalivaliwe.

Hezekeli 45:5

Indzawo lesele lengemakhilomitha langaba li-12 nesigamu budze, nebubanti lobungemakhilomitha langaba sihlanu, kufanele ibe sabelo semaLevi languwona enta inkonzo ethempelini. Kuyawuba nemadolobha lapho batawuhlala khona.

Hezekeli 46:21

Yase ingiyisa esibuyeni lesingephandle, yangitungeletisa kuwo onkhe emakona aso omane, ngabona kulelo nalelo kona lesinye sibuya.

Sembulo 11:2

Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.