Hezekeli 39:28 - Siswati 1996 Bible

²⁸ Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Hezekeli 39:28 ပူးပေါင်းရင်းမြစ်များ

Tihlabelelo 147:2

Simakadze wakha iJerusalema kabusha, ubutsa labasakatekile baka-Israyeli.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Hezekeli 34:30

Ngulapho-ke bayawukwati khona kutsi mine Simakadze longuNkulunkulu wabo nginabo, nekuktsi bona labayindlu yaka-Israyeli, basive sami, kusho iNkhosi Simakadze.

Hezekeli 37:21

bese-ke uyabatjela kutsi: ‘Naku lokushiwo yiNkhosi Simakadze, itsi: Ngitawubutsa sonkhe sive sami saka-Israyeli kuto tonkhe tive lapho sahlakatekela khona, ngisibutsele ndzawonye ngize ngisibuyisele eveni lelingelaso.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hezekeli 39:22

Kusukela ngalelo langa kuye embili indlu yaka-Israyeli iyawungati kutsi mine nginguSimakadze Nkulunkulu wayo.

Hezekeli 39:27

Nase ngibabuyisile etiveni sengibabutsile emaveni etitsa tabo, ngiyawubonakalisa bungcwele bami ngabo, emehlweni ato tonkhe tive.

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Hoseya 2:20

Ngiyawukwendzisa ngekwetsembeka, uyakumhlonipha Simakadze.

Amose 9:9

“Ngako ngiyawukhipha umyalo, nginyakatise indlu yaka-Israyeli emkhatsini wato tonkhe tive, njengemabele nakanyakatiswa ngesisefo, kodvwa kute ngisho nayinye inhlavu leyakuwela emhlabatsini.