Hezekeli 37:9 - Siswati 1996 Bible

⁹ Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Hezekeli 37:9 ပူးပေါင်းရင်းမြစ်များ

Tihlabelelo 104:30

Nawutfumela Moya wakho, tiyadaleka, uhlumise kabusha imvelo yemhlaba.

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Hezekeli 37:4

Wase utsi kimi: “Phrofetha kulamatsambo, utsi kuwo: ‘Nine matsambo lomile, vanini livi laSimakadze!

Hezekeli 37:5

Naku lokushiwo yiNkhosi Simakadze kulamatsambo, itsi: Ngitakwenta umphefumulo ungene kini, nitabe seniyaphila.

Hezekeli 37:8

Ngatsi ngiyabuka, kwavela kuwo imisipha nenyama, ngabona sikhumba siwembesa, kodvwa kwakute umphefumulo kuwo.

Danyela 11:4

Iyawutsi nase ivele, umbuso wayo bese uyehlukaniswa ubhekiswe emimoyeni yomine yasezulwini. Ngeke wendlulele etitukulwaneni tayo, futsi ngeke ube nalamandla leyayiwasebentisa, ngobe lombuso wayo uyawusishulwa unikwe labanye.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

Johane 3:8

Umoya uhhusha lapho utsandza khona, uyakuva kuhhusha kwawo, kodvwa awati lapho uphuma khona nalapho uya khona. Loko-ke kufanana naye wonkhe umuntfu lotelwe nguMoya.”

Sembulo 10:11

Ngatjelwa kwatsiwa: “Kufanele uphrofethe ngebantfu labanyenti, nangetive, nangetilimi, nangemakhosi.”

Sembulo 11:11

Kodvwa emvakwemalanga lamatsatfu nesigamu umoya wekuphila lophuma kuNkulunkulu wangena kubo, basukuma, bema ngetinyawo; bonkhe labakubona loku befikelwa kwesaba lokukhulu.