Hezekeli 37:6 - Siswati 1996 Bible

⁶ Ngitawuhlumisa imisipha kini, ngente inyama imile kini, nginembese ngesikhumba, ngitawufaka umphefumulo kini, nitawube seniyaphila. Ngulapho-ke niyawukwati khona kutsi mine nginguSimakadze.’ ”

Hezekeli 37:6 ပူးပေါင်းရင်းမြစ်များ

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

Tihlabelelo 104:30

Nawutfumela Moya wakho, tiyadaleka, uhlumise kabusha imvelo yemhlaba.

Eksodusi 6:3

Ngabonakala ku-Abrahama, naku-Isaka, nakuJakobe kutsi nginguNkulunkulu Somandla, kodvwa angizange ngibatise lelibito lami lelingcwele, Simakadze.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Hezekeli 11:10

Nitawubulawa ngenkemba, bese ngehlisela sigwebo kini ngaseminyeleni yaka-Israyeli. Ngulapho-ke niyawungati khona kutsi mine nginguSimakadze.

Hezekeli 11:12

Ngulapho-ke niyawungati khona kutsi mine nginguSimakadze, ngobe anikatilandzeli timiso tami, nemitsetfo yami anikayigcini, kodvwa nisuke nalingisa letive letinitungeletile.”

Hezekeli 20:38

Ngiyawuphenya emkhatsini wenu bonke labo labangivukelako bahlubuke kimi. Nome ngiyawubakhipha eveni lapho bahlala khona nje, noko bangeke bangene eveni laka-Israyeli. Ngulapho-ke niyawungati khona kutsi mine nginguSimakadze.

Hezekeli 32:15

Ngiyawutsi nase ngenta iGibhithe ibe lihlane, live ngilihlubule konkhe lelinako, nase ngibashaya bonkhe labaphilako lapho, ngulapho-ke bayawukwati khona kutsi mine nginguSimakadze.’

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Hezekeli 35:12

Ngulapho-ke uyawukwati khona kutsi mine Simakadze ngitivile tonkhe letintfo tekwedzelela letimbi lotikhulume ngetintsaba taka-Israyeli. Watsi: “Tentiwe taba lihlane, taniketwa tsine kutsi sitishwabudzele.”

Hezekeli 35:15

Njengobe wajabula ngesikhatsi lifa lendlu yaka-Israyeli liba lihlane, nami-ke ngiyawukuphatsa kanjalo. Uyawuba lihlane, wena live letintsaba taseSeyiri, yebo, wena nalo lonkhe laka-Edomu. Ngulapho-ke bayawukwati khona kutsi mine nginguSimakadze.’ ”

Hezekeli 35:9

Ngiyawukwenta ube lihlane phakadze; emadolobha akho angeke abe nebantfu. Ngulapho-ke uyawukwati khona kutsi mine nginguSimakadze.

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Hezekeli 38:23

Ngiyawubukhombisa kanjalo-ke bukhulu bami nebungcwele bami, ngiyawutenta kutsi ngatiwe emehlweni etive letinyenti. Ngulapho-ke bayawungati khona kutsi mine nginguSimakadze.’ ”

Hezekeli 39:22

Kusukela ngalelo langa kuye embili indlu yaka-Israyeli iyawungati kutsi mine nginguSimakadze Nkulunkulu wayo.

Hezekeli 39:28

Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Hezekeli 39:6

Ngiyawutfumela umlilo kuMagogi, nakulabo labahlala bavikelekile emaveni lagudla lwandle, bayawukwati kutsi mine nginguSimakadze.

Hezekeli 6:13

Ngulapho-ke bayawungati kahle kutsi mine nginguSimakadze, bantfu babo nase balele lunja emkhatsini wetithico tabo, batungelete emalati abo kuwo onkhe emagcuma laphakeme, nakuto tonkhe ticongo tetintsaba, nangaphansi kwato tonkhe tihlahla letendlala emagala ato, nangaphansi kwawo onkhe ema-okhi lanemacembe lacebetelako, tindzawo lapho bebentela khona iminikelo yemphepho lenuka kamnandzi kuto tonkhe tithico tabo.

Hezekeli 6:7

Bantfu bakini bayawubulawa bawele phansi emkhatsini wenu, kuze nati kutsi mine nginguSimakadze.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Hezekeli 7:9

Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.

Joweli 2:27

Niyawube seniyati kutsi ngika-Israyeli, nekutsi nginguSimakadze Nkulunkulu wenu, nekutsi futsi kute lomunye ngaphandle kwami. Sive sami singeke siphindze sihlazeke.”

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Dutheronomi 29:6

Anizange senidle sinkhwa, aninatsanga naliwayini, nome lesinye sinatfo lesivutjelwa. Ngakwenta kuze ningati kutsi nginguSimakadze Nkulunkulu wenu.