Hezekeli 37:28 - Siswati 1996 Bible

²⁸ Ngulapho-ke tive tiyawukwati khona kutsi mine Simakadze ngenta Israyeli kutsi abe ngcwele, ngesikhatsi indzawo yami lengcwele iyawuba kubo phakadze naphakadze.’ ”

Hezekeli 37:28 ပူးပေါင်းရင်းမြစ်များ

Hezekeli 20:12

Ngabuye ngabanika emaSabatha ami abe sibonakaliso emkhatsini wetfu, kuze bati kutsi mine Simakadze ngimi lengabenta baba ngcwele.

Eksodusi 31:13

“Khuluma kuma-Israyeli utsi ngitsi: ‘Gcinani emaSabatha ami, loku kuyawuba luphawu emkhatsini wenu nami titukulwane ngetitukulwane, kuze nati kutsi nginguNkulunkulu wenu loningcwelisako.

Hezekeli 36:23

Ngitawukhombisa bungcwele beLibito lami lelikhulu, lebeselihlanjalatwe emkhatsini wetive, Libito lenilihlambalate emkhatsini wato. Ngulapho-ke tive tiyawukwati khona kutsi mine nginguSimakadze, nase ngitibonakalisa ngani kutsi mine ngingcwele, embikwemehlo ato, kusho iNkhosi Simakadze.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

Levithikusi 21:8

Ma-Israyeli, batiseni kutsi bangcwele, ngobe banikela ngekudla kwaNkulunkulu wenu. Bangcwele ngobe mine, Simakadze, lenginingcwelisako ngingcwele.

1 kubaseThesalonika 5:23

Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.

KubaseRoma 11:15

Ngobe nangabe kulahlwa kwabo bekukubuyisana kwaNkulunkulu nemhlaba wonkhe, pho, kwemukelwa kwabo kungaba yini, nakungesiko kuphila kulabafile?

Hezekeli 39:7

“ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.

Hezekeli 38:23

Ngiyawubukhombisa kanjalo-ke bukhulu bami nebungcwele bami, ngiyawutenta kutsi ngatiwe emehlweni etive letinyenti. Ngulapho-ke bayawungati khona kutsi mine nginguSimakadze.’ ”

Hezekeli 36:36

Lapho-ke tive leniyawube nakhelene nato letiyawube tisasele tiyawukwati kutsi mine Simakadze, ngikwakhe kabusha loko lokwase kubhujisiwe, ngabuye ngahlumisa loko lokwase kulihlane. Mine Simakadze sengikhulumile, futsi ngitawukwenta.’

Tihlabelelo 126:2

Sahleka safa, sahlabela tingoma tenjabulo. Tive letibomakhelwane tatsi: “Nkulunkulu ubentele tintfo letinkhulu.”

Tihlabelelo 102:15

Tive tiyawulesaba libito laSimakadze, nemakhosi onkhe emhlaba esabe bukhosi bakhe.

Tihlabelelo 79:10

Betive basholani kutsi: “Uphi-ke loNkulunkulu wabo?” Shangatsi kuphindzisela kwakho singakubona kwenteka kulabo labacitse ingati yetinceku takho.

Levithikusi 20:8

Gcinani imitsetfo yami, niyilandzele, ngobe ngimi loningcwelisako.

Hezekeli 39:23

Netive titakwati kutsi sive saka-Israyeli saya ekutfunjweni ngenca yetono taso, ngobe babengaketsembeki kimi. Ngako ngase ngiyabufihla buso bami kubo, ngabaniketa etandleni tetitsa tabo. Bonkhe bafa ngenkemba.

Matewu 23:17

Tiphukuphuku letitimphumphutse! Kantsi ngukuphi lokubaluleke kakhulu, yigolide nome lithempeli lelingcwelisa igolide yalo?

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Hezekeli 38:1

Livi laSimakadze lefika kimi, latsi:

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Eksodusi 15:17

Uyawubangenisa ubahlanyele entsabeni yakho, indzawo leyakhetfwa nguwe, Simakadze, kutsi ibe likhaya lakho, indzawo lengcwele, Simakadze, lowayakha ngetandla takho.

Eksodusi 25:8

Labantfu kufanele bangentele indlu lengcwele, khona ngitawuhlala emkhatsini wabo.

Levithikusi 26:11

Ngiyawuhlala emkhatsini wenu ngisethendeni lekukhontela, ngingesuki kini.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Zefaniya 3:15

Simakadze usisusile sijeziso sakho, watincandzekisa netitsa takho. Simakadze, iNkhosi yaka-Israyeli, inawe; ungeke uphindze wesabe nome nguyiphi ingoti.