Hezekeli 37:16 - Siswati 1996 Bible

¹⁶ “Ndvodzana yemuntfu, tsatsa umzaca ubhale kuwo, utsi: ‘LongewakaJuda nema-Israyeli latihlanganise naye.’ Bese utsatsa lomunye futsi umzaca ubhale kuwo, utsi: ‘Longewaka-Efrayimu, nalongewakaJosefa nabo bonkhe bendlu yaka-Israyeli labatihlanganise naye.’

Hezekeli 37:16 ပူးပေါင်းရင်းမြစ်များ

2 Tikhronike 10:17

Kodvwa Rehobowamu wachubeka wabusa etikwawo onkhe lawo ma-Israyeli labehlala emadolobheni akaJuda.

2 Tikhronike 10:19

Ngako ema-Israyeli solomane yesuka ngalelo langa alwisana nendlu yakaDavide kuze kube ngulamuhla.

2 Tikhronike 15:9

Wabe sewuhlanganisa sonkhe sive sakaJuda nesakaBhenjamini kanye nebantfu baka-Efrayimu, nebakaManase, kanye nebakaSimeyoni labebahlala kulombuso wakhe, ngobe phela bantfu labanyenti babete ngakuye besuka ka-Israyeli ngesikhatsi babona kutsi Simakadze Nkulunkulu wakhe abengakuye.

Isaya 11:13

Umona wa-Efrayimu uyawunyamalala, titsa takaJuda ticedvwe nya; Efrayimu angeke aphindze abe nemona ngaJuda, naJuda angeke aphindze abe nebutsa ku-Efrayimu.

Hezekeli 37:15

Livi laSimakadze lefika kimi, latsi:

Zakhariya 11:7

Labo lababetsengiselana ngetimvu base bayangicasha; ngayelusa lemihlambi leyase imiselwe kuhlatjwa. Ngase ngitsatsa tindvuku letimbili, lenye ngayetsa libito ngatsi nguMusa, nalenye ngatsi nguNhlanganiso, ngabe sengiyawelusa-ke lomhlambi.