Hezekeli 37:14 - Siswati 1996 Bible

¹⁴ Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Hezekeli 37:14 ပူးပေါင်းရင်းမြစ်များ

Isaya 32:15

aze Moya wasezulwini atfululelwe etikwetfu, bese kutsi lihlane libe yinsimi levundzile, nensimi levundzile ifanane nelihlatsi.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 17:24

Tonkhe tihlahla tesiganga tiyawukwati kutsi mine Simakadze ngehlisa sihlahla lesidze, bese ngenta sihlahla lesifishane sikhule sibe sidze. Ngomisa sihlahla lesiluhlata, bese ngihlumisa sihlahla lesomile sibe luhlata. “ ‘Mine Simakadze sengikhulumile, futsi ngitawukwenta loko.’ ”

Hezekeli 22:14

Siyawukuma yini leso sibindzi sakho? Tona tandla takho tiyawucina yini ngelilanga lengiyawubhekana nawe ngalo? Mine Simakadze sengikhulumile, futsi ngitakwenta loko.

Hezekeli 36:27

Ngiyawufaka Moya wami kini, nginente nilandzele timiso tami, nicaphele kugcina imitsetfo yami.

Hezekeli 36:36

Lapho-ke tive leniyawube nakhelene nato letiyawube tisasele tiyawukwati kutsi mine Simakadze, ngikwakhe kabusha loko lokwase kubhujisiwe, ngabuye ngahlumisa loko lokwase kulihlane. Mine Simakadze sengikhulumile, futsi ngitawukwenta.’

Hezekeli 37:13

Ngulapho-ke niyawukwati khona, nine bantfu bami, kutsi mine nginguSimakadze, mhlazane ngivula emathuna enu nginikhipha kuwo.

Hezekeli 37:15

Livi laSimakadze lefika kimi, latsi:

Hezekeli 37:6

Ngitawuhlumisa imisipha kini, ngente inyama imile kini, nginembese ngesikhumba, ngitawufaka umphefumulo kini, nitawube seniyaphila. Ngulapho-ke niyawukwati khona kutsi mine nginguSimakadze.’ ”

Hezekeli 37:9

Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Hezekeli 39:29

Angisayikubufihla buso bami kubo, ngobe ngiyawutfululela Moya wami kuyo indlu yaka-Israyeli, kusho iNkhosi Simakadze.”

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

KubaseRoma 8:11

Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 15:45

Kanjalo futsi kubhaliwe kutsi: “Umuntfu wekucala Adamu waba ngumuntfu lophilako;” Adamu wekugcina waba nguMoya lonika kuphila.