Hezekeli 37:11 - Siswati 1996 Bible

¹¹ Wase utsi kimi: “Ndvodzana yemuntfu, lamatsambo lawa, angiyo yonkhe indlu yaka-Israyeli. Batsi: ‘Ematsambo etfu omile, nelitsemba letfu liphelile; sincanyuliwe saphela nya.’

Hezekeli 37:11 ပူးပေါင်းရင်းမြစ်များ

Jobe 17:15

ngabe likuphi litsemba lami? Ngubani nje longalibona litsemba lami?

Tihlabelelo 141:7

Njengetinkhuni tijutjwa tiba ticucu, ngalokufananako ematsambo abo ayawusakateka ngasekungeneni kwelithuna.

Tihlabelelo 31:23

Tsandzani Simakadze, nine nonkhe labangcwele bakhe. Simakadze uyabagcina labetsembele kuye, kodvwa uphindzisela kamatima kulabatatisako.

Tihlabelelo 88:16

Lulaka lwakho loluvutsako lungehlele, kwesabisa kwakho kungicedzile.

Tihlabelelo 88:5

Sengibalelwa kulabafile njengalababulewe, lese balala emathuneni, bona labo longasabakhumbuli, yebo, lese bancunywa kuwe.

Isaya 40:27

Ukhononelani, wena Jakobe? Wena Israyeli, usolelani ngekutsi: “Indlela yami ifihlakele kuSimakadze; lilungelo lami alikanakeki kuNkulunkulu wami”?

Isaya 49:14

Kodvwa iSiyoni yatsi: “Simakadze ungifulatsele, Simakadze ungikhohliwe.”

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Jeremiya 31:1

Simakadze utsi: “Ngaleso sikhatsi ngiyawuba nguNkulunkulu wato tonkhe tinsendvo taka-Israyeli, tona tiyawuba sive sami.”

Jeremiya 32:43

Emasimi ayawuphindze atsengwe abe manyenti kulendzawo lenisho ngayo nitsi: ‘Lendzawo ilihlane, ayinabantfu natilwane, ngobe seyinikelwe etandleni temaBhabhulona.’

Sililo 3:18

Nguko ngitsi: “Bukhosi bami buhambile kanye nako konkhe lebengetsembele ngako kuSimakadze.”

Sililo 3:54

emanti ayisibekela inhloko yami, ngacabanga ngatsi akusesingakanani ngincanyulwe.

Hezekeli 33:10

“Ndvodzana yemuntfu, khuluma kuyo indlu yaka-Israyeli, utsi: ‘Naku lenikushoko nitsi: “Tikhubekiso tetfu netono tetfu kusidvonsela phansi, natsi sesiyahusheka ngenca yato. Manje-ke sitawuphila kanjani?” ’

Hezekeli 36:10

ngibuye ngandzise sibalo sebantfu kini, yebo yonkhe indlu yaka-Israyeli. Emadolobha ayawuphindze ahlalwe bantfu, netindzawo letibhidlitiwe takhiwe kabusha.

Hezekeli 37:16

“Ndvodzana yemuntfu, tsatsa umzaca ubhale kuwo, utsi: ‘LongewakaJuda nema-Israyeli latihlanganise naye.’ Bese utsatsa lomunye futsi umzaca ubhale kuwo, utsi: ‘Longewaka-Efrayimu, nalongewakaJosefa nabo bonkhe bendlu yaka-Israyeli labatihlanganise naye.’

Hezekeli 37:19

ubobatjela kutsi mine, iNkhosi Simakadze, ngitawutsatsa lomzaca lomelele baka-Israyeli ngiwubeke kanyekanye nalona lomelele bakaJuda. Ngalemizaca lemibili ngitakwenta umzaca ube munye lengitawuphatsa ngesandla sami.

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

KubaseRoma 11:26

Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.

2 kubaseKorinthe 5:14

Lutsandvo lwaKhristu luyasichuba. Sesidzimate sefika kunasi siphetfo sekutsi: Munye lowafela bonkhe; ngako-ke bonkhe bafa.

Kubase-Efesu 2:1

Univusile nani lebenifile ngenca yetiphambuko netono tenu,