Hezekeli 36:7 - Siswati 1996 Bible

⁷ Ngako-ke naku lokushiwo yiNkhosi Simakadze, itsi: Ngifunga ngekuphakamisa sandla sami, ngitsi, tive lenakhelene nato tiyawuva buhlungu bekwedzelelwa.

Hezekeli 36:7 ပူးပေါင်းရင်းမြစ်များ

Hezekeli 20:5

utsi kubo: ‘Naku lokushiwo yiNkhosi Simakadze, itsi: Ngelilanga lengakhetsa ngalo ema-Israyeli, ngafunga ngiphakamise sandla kuto titukulwane tendlu yakaJakobe, ngatembula mine kubo baseseGibhithe. Ngatsi ngiphakamise sandla sami, ngatsi kubo: “NginguSimakadze Nkulunkulu wenu.”

Hezekeli 20:15

Ngafunga futsi kubo ngekuphakamisa sandla ehlane, kutsi ngingeke ngisabayisa kulelive lengangibanike lona, live leligcwele lubisi neluju lwetinyosi, live lelihle kwendlula onkhe lamanye emave,

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Dutheronomi 32:40

Ngiphakamisela sandla sami ezulwini, ngimemetele ngitsi: ‘Njengobe ngiphila kuze kube phakadze,

Hezekeli 36:6

“Ngako-ke phrofetha macondzana nelive laka-Israyeli, ukhulume kuto tintsaba nemagcuma, nasemifudlaneni netihosha, utsi: ‘Naku lokushiwo yiNkhosi Simakadze, itsi: Ngikhuluma ngelulaka lwami nangesikhwele sami, ngobe senive buhlungu bekwedzelelwa tive.

Hezekeli 36:8

“ ‘Kodvwa nine, tintsaba taka-Israyeli, niyawuhluma emagala, nitselele sive sami ema-Israyeli titselo tenu, ngobe siyawubuya ekhaya masinyane.

Hezekeli 36:15

Angisayikwenta uphindze uve kuchukulutwa tive, futsi awusayikubuva buhlungu bekuhlekwa betive nome uwise sive sakho, kusho iNkhosi Simakadze.’ ”

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.