Hezekeli 36:31 - Siswati 1996 Bible

³¹ Lapho-ke niyawutikhumbula tindlela tenu letimbi netento tenu letinengekako, niyawutenyanya ngenca yetono tenu nangetento tenu letinengekako.

Hezekeli 36:31 ပူးပေါင်းရင်းမြစ်များ

Hezekeli 20:43

Lapho-ke niyawukhumbula kutiphatsa kwenu nato tonke tento tenu lenatingcolisa ngato, nani niyawutenyanya ngabo bonkhe bubi lenibentile.

Hezekeli 6:9

Kuyawutsi-ke etiveni lapho bebatfunjelwe khona, labo labaphunyulile bangikhumbule, kutsi ngeva buhlungu kanjani ngalokungihlubuka kwabo ngetinhlitiyo tabo, bakhonta labanye bonkulunkulu, besuka kimi, ngeva buhlungu nangemehlo abo labukeka akhanuka tithico tabo. Bayawutenyanya kwabona ngalobubi labayawube babentile, nangato tonkhe tintfo tabo letinengekako labatentako.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

KubaseRoma 6:21

Natfolani-ke ngekwenta leto tintfo leseninemahloni ngato nyalo? Phela siphetfo saleto tintfo kufa!

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Levithikusi 26:39

Labo benu labayawube basasele bangakafi eveni letitsa tabo, bayawukondza babe tincotfo ngenca yetono tabo, nangenca yetono taboyise bayawukondza besabeke.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Hezekeli 39:26

Bayakulikhohlwa lihlazo labo nako konkhe kungetsembeki kwabo labakwenta kimi, ngesikhatsi basahleti eveni labo bavikelekile, kute namunye labengabesabisa.

Hezekeli 21:17

Nami futsi ngitabe sengishaya tandla, nelulaka lwami luyawubohla. Mine, Simakadze sengikhulumile.”