Hezekeli 36:30 - Siswati 1996 Bible

³⁰ Nigyakwandzisa titselo tetihlahla, netivuno temasimi, kuze ningetiwutseleka ngelihlazo emkhatsini wetive ngenca yendlala.

Hezekeli 36:30 ပူးပေါင်းရင်းမြစ်များ

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Joweli 2:26

Nitawuba nenala, nidle nize nesutse, nitalidvumisa Libito laSimakadze Nkulunkulu wenu, lowente timangaliso emkhatsini wenu. Sive sami singeke siphindze sihlazeke.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Levithikusi 26:4

ngiyawunitfumelela imvula ngesikhatsi sayo, nemhlaba uninike sivuno lesihle, netihlahla tesiganga titsele titselo tato.

Hezekeli 34:13

Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.

Hezekeli 34:14

Ngiyawutelusela edlelweni lelihle, netintsaba letiphakeme taka-Israyeli tiyawuba ngemadlelo ato. Lapho-ke tiyawulala phansi edlelweni lelihle, ngulapho tiyawuklaba khona edlelweni lelineluhlata, etintsabeni taka-Israyeli.

Levithikusi 25:19

Umhlaba uyawutsela titselo tawo, nidle nesutse, nihlale kulo niphephile.

Tihlabelelo 85:13

Kulunga kuyawuhamba embikwaSimakadze, kuphendle indlela latawuhamba kuyo.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Joweli 2:19

Simakadze utawuphendvula atsi kubo: “Nginipha sivuno salokutinhlavu, liwayini lelisha kanye nemafutsa, lokwenele kutsi kunganesutsisa; ngingeke ngiphindze nginente nibe yinhlekisa etiveni.