Hezekeli 36:24 - Siswati 1996 Bible

²⁴ “ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Hezekeli 36:24 ပူးပေါင်းရင်းမြစ်များ

Hezekeli 37:21

bese-ke uyabatjela kutsi: ‘Naku lokushiwo yiNkhosi Simakadze, itsi: Ngitawubutsa sonkhe sive sami saka-Israyeli kuto tonkhe tive lapho sahlakatekela khona, ngisibutsele ndzawonye ngize ngisibuyisele eveni lelingelaso.

Hezekeli 34:13

Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.

Hezekeli 11:17

“Ngako-ke tsani: ‘Naku lokushiwo yiNkhosi Simakadze, itsi: Ngitanibutsa kuto tonkhe tive nginibuyise, nisuke kuwo onkhe lawo mave lebenginisakatele kuwo, ngiyawuphindze futsi ngininike lelive laka-Israyeli.’

Jeremiya 30:18

“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.

Jeremiya 30:3

Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Jeremiya 31:8

Buka la, ngiyawubabuyisa besuka eveni lasenyakatfo, ngibagcogce emikhawulweni yonkhe yemhlaba. Emkhatsini wabo kuyawuba netimphumphutse kanye netinchute, bafati labakhulelwe kanye nalasebaphetfwe ngumhelo; kuyawubuya sicumbi lesikhulu.

Hezekeli 20:42

Ngulapho-ke niyawungati khona kutsi mine nginguSimakadze, nanginimikisa eveni laka-Israyeli, live lengalifungela ngekuphakamisa sandla sami kutsi ngitalipha boyihlo.

Hezekeli 38:8

Emvakwemalanga lamanyenti utawubitelwa embutfweni. Kuleminyaka letako utawuhlasela live leselibuyiswe emphini, lelibantfu balo babutfwa etiveni letinyenti, bayiswa etintsabeni taka-Israyeli letase tikhala libhungane kadzenidzeni. Bakhishwe etiveni ngetive, kodvwa nyalo bonkhe sebahlala bavikelekile.

Hezekeli 37:12

Ngako-ke phrofetha, utsi kubo: ‘Naku lokushiwo yiNkhosi Simakadze, itsi: Awu, sive sami, ngitawugwabula emadliza enu, nginikhiphe kuwo; ngiyawunibuyisela eveni lenu laka-Israyeli.