Hezekeli 36:23 - Siswati 1996 Bible

²³ Ngitawukhombisa bungcwele beLibito lami lelikhulu, lebeselihlanjalatwe emkhatsini wetive, Libito lenilihlambalate emkhatsini wato. Ngulapho-ke tive tiyawukwati khona kutsi mine nginguSimakadze, nase ngitibonakalisa ngani kutsi mine ngingcwele, embikwemehlo ato, kusho iNkhosi Simakadze.

Hezekeli 36:23 ပူးပေါင်းရင်းမြစ်များ

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Isaya 52:5

Simakadze utsi: “Pho, yini nje manje loku lese ngikukhandza lapha? Ngobe sive sami sitsetfwe kwahanjwa naso mahhala, nalabo labasibusako bayaphukuta,” kusho Simakadze. “Libito lami liyahlanjalatwa ngaso sonkhe sikhatsi.

Hezekeli 20:41

Ngiyawunemukela njengeliphunga lelimnandzi lemphepho, nanginikhipha emkhatsini wetive, nginibutsa emaveni lapho benisakatelwe khona, ngiyawutibonakalisa mine ngingcwele emkhatsini wenu emehlweni etive.

Hezekeli 20:42

Ngulapho-ke niyawungati khona kutsi mine nginguSimakadze, nanginimikisa eveni laka-Israyeli, live lengalifungela ngekuphakamisa sandla sami kutsi ngitalipha boyihlo.

Hezekeli 28:22

utsi: ‘Naku lokushiwo yiNkhosi Simakadze, itsi: “ ‘Awu, Sidoni, ngiyemelana nawe, futsi ngitawutibutsela ludvumo ngawe. Bayawukwati kutsi mine nginguSimakadze, nangehlisela sijeziso etikwakho, ngitikhombise mine ngingcwele ekhatsi kuwe.

Hezekeli 28:25

“ ‘Naku lokushiwo yiNkhosi Simakadze, itsi: Nangibutsa sive saka-Israyeli etiveni, lapho besihlakatelwe khona, ngiyawutibonakalisa ngingcwele emkhatsini waso embikwetive. Siyawube sesihlala eveni lelingelaso, lengaliniketa inceku yami Jakobe.

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 39:21

“Ngiyawubonakalisa bukhosi bami emkhatsini wetive, tonkhe tive tiyawusibona sijeziso sami kuto nesandla sami lengisibeka etikwato.

Hezekeli 39:25

“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.

Hezekeli 39:27

Nase ngibabuyisile etiveni sengibabutsile emaveni etitsa tabo, ngiyawubonakalisa bungcwele bami ngabo, emehlweni ato tonkhe tive.

Hezekeli 39:28

Lapho-ke bayawube sebayati kutsi mine nginguSimakadze longuNkulunkulu wabo, ngobe nome ngabayisa ekutfunjweni emkhatsini wetive, ngiyawuphindze ngibabutsisele eveni lelingelabo, ngingashiyi namunye ngemuva.

Hezekeli 39:7

“ ‘Libito lami lelingcwele ngiyawulenta latiwe emkhatsini wesive sami, ema-Israyeli. Yebo, Libito lami lelingcwele ngingeke ngisaliyekela lihlanjalatwe, netive tiyawukwati kutsi mine nginguSimakadze, Longcwele ka-Israyeli.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.